VIDEO
Heshtje ai ka treguar edhe gjatë momentit kur Shkëlqim Salla është njohur me dhjetëra fotografi të personave të dyshuar që mund të kenë marrë pjesë në vrasje. Nisur nga kjo situatë, policia ka vendosur të ndalojë 42-vjeçarin duke e akuzuar këtë të fundit për veprën penale të “Moskallëzimit të krimit”. Pavarësisht veprimeve të policisë, prokuroria e Elbasanit shprehet se në ditët në vijim do vendosë lirimin e Shkëlqim Sallas, pasi vepra penale nuk përbën rrezikshmëri shoqërore. Më tej prokurorët thonë se krimi i rëndë është i vështirë të zbardhet, pasi është seri e vrasjeve të përgjakshme që kanë ndodhur kohët e fundit.
Pistat hetimore
Vrasja sipas anëtarëve të grupit hetimor mendohet të ketë ndodhur rreth orës 1:30 të natës,ndërkohë që viktima ka njohur autorin e krimit.Ekzekutimi i 51-vjeçarit është bërë në një distancë të afërt, ku autori pasi është siguruar që kishte vrarë Beqirin është larguar nga vendi i ngjarjes duke u ndihmuar nga një person tjetër, që e priste në rrugë me makinë. Lidhur me këtë vrasje policia dhe prokuroria kanë ngritur një grup hetimor, duke u fokusuar në dy drejtime të vetme.
Pista e parë ku hetuesit janë përqëndruar ka të bëjë me atë të hakmarjes. Kjo pasi viktima Saimir Beqiri është vëllai i Gentian Beqirit, i vrarë në 2012 brenda në banesën e tij, por në fakt i akuzuar nga prokuroria si njëri nga tre autorët e vrasjes së Sokol Çapjas,në dhjetor të 2005. Hetuesit thonë se konflikti mes fiseve Çapja dhe Mema, nuk kanë të mbaruar, kjo pasi vrasja vjen vetëm 2 muaj pas masakrës së trefishtë në Elbasan, ku u sulmuar me armë anëtarët e fisit Çapja, teksa qëndronin në një lokal.
Në këtë sulm me breshëri automatiku,janë vrarë Agron Çapja, Ardit Sinakoli dhe Eno Bedalli, ndërsa janë plagosur 10 persona të tjerë.Pikërisht këto vrasje, sipas hetuesve mund të jenë bërë shkak në hakmarjen e shpejtë të fisit Çapja, duke vrarë shtetasin Saqimir Beqiri, i cili si pasijë e kësaj hakmarje ka humbur 4 vite më parë vllain e tij, Gentian Beqirin dhe babain Nezir Beqiri. Ndërkohë pista e dytë ku hetuesit janë përqëndruar është ajo e lidhjes së vrasjes së Beqirit me aktivitetin e tij kriminal, kryesisht në fushën e trafikut të drogës në Itali dhe trafikut të klandestinëve. Disa vite më parë viktima ka patur veprimtari kriminale.
Autorët me paruke
Vrasja e Saimir Beqirit, ka bërë që policia e Elbasanit të sekuestrojë pamjet filmike të kamerave të disa bizneseve aty pranë, të cilat kanë fiksuar autorët e krimit dhe automjetin me të cilin ata po lëvizin. Burime pranë grupit hetimor thanë se pas verifikimit të pamjeve filmike ka rezultuar se automjeti me të cilin kanë lëvizur autorët është i tipit “Mercedes-Benz Elegancë”, ndërkohë që autorët mëndohet se kanë qënë të maskuar me paruke.
Gjatë ditës së djeshme policia kryevi disa kontrolle në dhjetëra banesa duke shoqëruar dhe 15 persona, por askush prej tyre duket se nuk ka dhënë informacione të vleshme për këtë ngjarje. Nisur nga kjo situatë, të gjithë të shoqëruarit janë lënë të lirë, duke bërë që pas 48 orë asnjë person të mos arrestohet për këtë vrasje, përveç rojes së karburantit Shkëlqim Salla për “Moskallëzim krimi”.
Do lirohet
Pavarësisht veprimeve të policisë, prokuroria e Elbasanit shprehet se në ditët në vijim do vendosë lirimin e Shkëlqim Sallas, pasi vepra penale nuk përbën rrezikshmëri shoqërore.
Fotografitë
Heshtje Salla ka treguar edhe gjatë momentit kur Shkëlqim Salla është njohur me dhjetëra fotografi të personave të dyshuar që mund të kenë marrë pjesë në vrasje.
Ja njoftimi i policisë
Arrestohet roja i karburantit për “Moskallzim Krimi”, në lidhje me vrasjen e djeshme
Në vijim të punës për zbardhjen e ngjarjes së djeshme , Specialistët për Krimet e Rënda, në Drejtorinë Vendore të Policisë Elbasan, bënë arrestimin në flagrancë të shtetasit: Shkëlqim Salla, 42 vjeç, banues në fshatin Godolesh Elbasan
Ky shtetas, u arrestua nga efektivat e policisë për moskallëzim të krimit, pasi duke qënë roje i karburantit në vëndin ku ndodhi ngjarja, dyshohet të ketë parë ngjarjen dhe të mos ketë kallzuar, pasi:
Më datë 11.04.2016, në Lagjen “Skëndërbej” në afërsi të një pikë karburanti, është gjetur i vrarë me armë zjarri shtetasi:
Saimir Beqiri, 51 vjeç, banues në Elbasan.
Gjatë kqyrjes së vëndit të ngjarjes, grupi hetimor ka gjetur dhe sekuestruar në cilësinë e provës materiale:
6 copë gëzhoja, kalibër 9mm
2 copa predhaSpecialistët për Krimet e Rënda në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan, po vijojnë punën për zbardhjen e ngjarjes.
Ndaj shtetasit Shkëlqim Salla
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Moskallëzim Krimi” parashikuar nga neni 300 i Kodit Penal.
Redaksia Online
(F.T/shqiptarja.com)
