POP 5

Lajmet më të lexuara të 5 minutave të fundit

Kronikë

Vrasja në Krrabë, 18 vjeçarja ndoqi
pas me automatik persekutorin

Gazeta Shqiptarja.com zbardh dejatet e vrasjes së kryer nga 18 vjeçarja Nazime Visha. E reja pak pas mesnatës së të dielës ekzekutoi me kallashnikov njeriun që prej katër vitesh e kishte dhunuar seksualisht, fizikisht dhe psikologjikisht.
Vrasja një orë pas mesnatës së të dielës në Tiranë FOTO
I ati denoncoi në maj rrëmbimin
TIRANE- Gazeta Shqiptarja.com zbardh dejatet e vrasjes së kryer nga 18 vjeçarja Nazime Visha. E reja pak pas mesnatës së të dielës ekzekutoi me kallashnikov njeriun që prej katër vitesh e kishte dhunuar seksualisht, fizikisht dhe psikologjikisht. Fiqiri Muça, 45 vjeç, ishte kunati i motrës së Nazmijes dhe ditën e vrasjes kishte shkuar për ta marrë me forcë në banesën e gjyshes së saj, ku ishte strehuar 18-vjeçaria në fshatin Krrabë në Tiranë.

Mesnatën e së dielës, Fiqiri Muça po bënte tentativën e dytë për të marrë vajzën me vete. E vendosur për të çliruar veten nga makthi, dhe tmerri, ka rrëmbyer një armë zjarri tip automatik që ndodhej në banesën e vjetër të gjyshes. Ka dalë jashtë në oborrin e shtëpisë ka filluar ta ndjekë nëpër fushë persekutonin duke e qëlluar me automatik.  Për një moment adoleshentja arrin ta qëllojë drejt 45-vjeçarit duke e lënë të vdekur në vend në një lëndinë të fshatit.

Kur efektivët e policisë kanë mbërritur në vendin e ngjarjes kanë parë viktimën dhe autoren e krimit në lot pranë vendit të ngjarjes. Adoleshentja i ka treguar policisë se ajo ishte autorja e krimit, ndërkohë që në vendgjarje është sekuestruar dhe një armë automatik kallashnikov.

MUÇA E PERDHUNOI KUR VISHA ISHTE 14 VJEÇE
Fiqiri Muça, babai i 6 fëmijëve ishte mik familje me 18-vjeçaren Nazime Visha, pasi motra e kësaj të fundit prej disa vitesh është martuar me vëllanë e 45-vjeçarit. Nga hyrje-daljet e krushkut në banesën e Vishës, ai kishte arritur që ta binte nëpërmjet presionit psikologjik 18-vjeçaren, për të kryer marëdhënie seksuale me të. Sipas dëshmisë së autores së krimit të dhënë në polici, ajo ka kryer për herë të parë marëdhënie me 45-vjeçarin, në moshën 14-vjeçare. Fill pas kësaj moshe, e reja është kthyer në dashnorja e viktimës që sa herë i tekej, abuzonte seksualisht me të miturën. Sikur të mos mjaftonte vetëm kjo, por kohët e fundit, Fiqiri Muça, ka ushtruar dhunë fizike, deri në rrëmbimin e saj nga shtëpia në fshatin Zall Bastar të Tiranës, ku ajo jetonte me familjen e saj. Ky rrëmbim ka zgjatur për 11 ditë me rradhë, ndërkohë që u arrit dorëzimi i vajzës vetëm pas denoncimit të familjarëve në polici. Policia e Tiranës arriti ta arrestojë 45-vjeçarin Visha, por për shkak të ndryshimit të thënieve të 18-vjeçares, pasi Muça i kishte bërë presion psikologjik, Muça është liruar nga akuzat. Kjo ka ndikuar që sërisht ai të bëhet persekutor i 18-vjeçares, duke e detyruar këtë të fundit të hakmeret për të gjitha mundimet e shkaktuara prej tij.
Redaksia online
su.ge/el.qy/shqiptarja.com

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01