I riu dje në Vlorë u vra me kallash me silenciator, zona s'ka kamera, po hetohet e kaluara në Belgjikë, familja: S'kishte konflikte

Detaje të reja kanë dalë në lidhje me vrasjen e 26-vjeçarit Kristian Breshanaj në Vlorë.  Burime për Report TV nga grupi hetimor bëjnë të ditur se i riu është qëlluar me kallashnikov me silenciator, duke bërë që ngjarja të merrej vesh me vonesë, pasi nuk janë dëgjuar të shtëna.

Një tjetër detaj tjetër që e bën edhe më të vështirë identifikimin e autorit është fakti se zona ku ndodhi vrasja ka qenë errësirë dhe nuk ka kamera sigurie.

Numri i të shoqëruarve ka shkuar në 15, pasi 3 persona të tjerë po merren në pyetje për të hedhur dritë mbi zbardhjen e ngjarjes. 

Sipas burimeve të grupit hetimor mendohet se autorët janë larguar me një automjet tjetër dhe janë ndihmuar nga persona të tjerë.

Ndërkohë familjarët janë shprehur se nuk janë në dijeni që djali i tyre të kishte ndonjë konflikt.

Në ekzekutimin e të riu është përdorur e njëjta skemë si edhe në krime të tjera. Autorët kanë djegur makinën që përdorën gjatë vrasjes rreth 1 km larg nga vendi i ngjarjes lagjja "10 korriku", një BMW me targa greke e cila u gjet e djegur nga forcat policore brenda së cilës është gjetur edhe arma kallashnikov.

26-vjeçari Kreshnik Breshanaj kishte vetëm 3 muaj që ishte kthyer nga Belgjika dhe ishte djalë i një mjeku reanimator në Spitalin e Vlorës.

 

Rendit zhvillimet sipas orarit:
Ora 11:15
Ekzekutimi i 26-vjeçarit në Vlorë, po hetohet e shkuara e të riut në Belgjikë

Gazetari i Report TV, Armand Xhelili raporton se një nga pistat për të cilën po hetohet është jeta e 26 vjeçarit në Belgjikë, ku dyshohet se mund të jetë përfshirë në trafikun e lëndëve narkotike.  Gjithashtu policia po këqyr edhe telefonin e të riut, për të mbledhur prova të reja për ngjarjen.

E.D./b.ha./Shqiptarja.com
  • Sondazhi i ditës:

    Nëse do t’ju jepej mundësia të jetonit në një vend tjetër, a do të largoheshit nga Shqipëria?

Komento

Komente

  • Laçot fierakë: 25/05/2020 17:41

    Ça bëhet kshu more vlla, u dërrmuanë!

    Përgjigju


×

Lajmi i fundit

John

Kanye West do të kandidojë për president të SHBA-së, kundër presidentit Trump