DURRËS- Një i ri është ekzekutuar me breshëri automatiku pasditen e kësaj të diele (24 janar) në qytetin e Durrësit. Ngjarja ka ndodhur rreth orës 17:20 në lagjen 16, teksa viktima është identifikuar si Edmir Begu, i njohur edhe me emrin Ilir Kuçi.

Gazetari i Report Tv, Artur Korriku ka arritur që të mësojë përmes burimeve se 32-vjeçari është qëlluar në kokë dhe në gjoks, ndryshe nga sa është raportuar në njoftimin zyrtar ku policia thotë se ka marrë plagë në këmbë. 32-vjeçari me 2 emra është qëlluar sapo ka zbritur nga makina e tij, çka shton dyshimet se kemi të bëjmë me një atentat të mirëorganizuar. Ai është dërguar me urgjencë në spitalin e Durrësit, ku mësohet se nuk ka mundur do t’i mbijetojë plagëve të marrë e për pasojë ka ndërruar jetë.

Policia ka shoqëruar disa persona në Komisariat si persona që mund të kenë dijeni lidhur me ngjarjen, por jo autorin/ët të dyshuar. Ky ose këta të fundit, pasi nuk dihet nëse bëhet fjalë për 1 autor apo më shumë janë larguar me shpejtësi nga vendi i ngjarjes, duke përfituar nga errësira në këtë zonë.

Nuk dihen ende shkaqet e kësaj ngjarje të rëndë. Tre janë pistat kryesore ku është fokusuar grupi hetimor. Bëhet fjalë për konflikte jashtë shtetit, kjo e përforcuar edhe nga fakti  viktima kishte ndryshuar edhe emrin. Pista e dytë është prishja e ndonjë pazari dhe pista e tretë është sherr i ditëve të fundit që ka agravuar deri në ekzekutimin e të riut.

Nga ana e Policisë janë ngritur disa pika kontrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit.

 

“Më datë 24.01.2021, në orën 17: 20, në lagjen nr.16, Durrës, pas një konflikti të çastit dyshohet se është plagosur në këmbë, me armë zjarri shtetasi J. B., 32 vjeç, i cili ndodhet në spital nën kujdesin e mjekëve. Në ambientet e Policisë janë shoqëruar disa shtetas të cilët ndodheshin në vendin e ngjarjes. Nga ana e Policisë janë ngritur disa pika kontrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit. Informacion shtesë. Ju njoftoj se shtetasi i plagosur J. B., ndërroi jetë në urgjencën e spitalit rajonal Durrës”, thuhej në njoftimin e policisë.

Rendit zhvillimet sipas orarit:
Ora 20:08
Vrasja e të riut me 2 emra në Durrës, 3 pistat kryesore të hetimit

1611509811_range.JPG

Tre janë pistat kryesore ku është fokusuar policia për vrasjen e të riut Edmir Begu. Bëhet fjalë për konflikte jashtë shtetit, kjo e përforcuar edhe nga fakti  viktima kishte ndryshuar edhe emrin. Pista e dytë është prishja e ndonjë pazari dhe pista e tretë është sherr i ditëve të fundit që ka agravuar deri në këtë pikë.

B.K./Shqiptarja.com

Ora 19:31
Vrasja e të riut në Durrës, mbërrin në vendngjarje Drejtori i policisë kriminale

Report Tv mëson se në vendin e ngjarjes, ku mbeti i vrarë i riu Edmir Begu (Ilir Kuçi) ka mbërritur edhe Drejtor i policisë kriminale në Drejtorinë e Policisë së Shtetit, Tonin Vocaj.

B.K./Shqiptarja.com

Ora 18:36
Vrasja në Durrës/ I riu përdorte 2 emra, u qëllua sapo zbriti nga makina e tij

1611509811_range.JPG

Report Tv ka mësuar të tjera detaje lidhur nga vrasja e të riut në Durrës. Mësohet se Edmir Begu, përdorte edhe emrin Ilir Kuçi. Mësohet se ai është ai qëlluar sapo ka zbritur nga makina e tij.

B.K./Shqiptarja.com

Ora 18:18
Report Tv sjell pamjet nga vendi i ngjarjes, këtu u ekzekutua i riu në Durrës

1611508835_film.jpg

Report Tv sjell video nga vendi i ngjarjes ku u vra i riu i identifikuar si Edmir Begu. Ngjarja ndodhi në lagjen nr.16, Durrës, ku siç shihet nga pamjet është rrethuar nga shiriti i policisë, teksa të pranishme në vendin e ngjarjen janë forca të shumta të uniformave blu.

B.K./Shqiptarja.com

Ora 18:10
Zbardhet emri/ Ky është i riu i cili u vra në Durrës pas një sherri të çastit

1611508911_Durresii.JPG

Report Tv ka mësuar se 32-vjeçari i vrarë pasditen e kësaj të diele pas një sherri të çastit është Edmir Begu.

B.K./Shqiptarja.com