Vrau abuzuesin 'përbindësh', gruaja franceze u la e lirë

Një grua franceze e dënuar për vrasjen e burrit të saj abuziv, pas dekadash abuzimi seksual, fizik dhe psikologjik është liruar dje nga gjykata.  Valerie Bacot fillimisht ishte dënuar me katër vjet heqje lirie, tre prej të cilëve u pezulluan.   

Bacot, ishte abuzuar seksualisht nga Polette që në vitin 1992, kur ishte vetëm 12 vjeç.

Në atë kohë ai ishte i dashuri i së emës. Ai u arrestua në 1995 dhe u dënua për ngacmime seksuale, duke kaluar dy vjet në burg, por më vonë u kthye në shtëpinë e familjes dhe filloi të abuzonte përsëri me Bacot.

“Kur u kthye, ai tha se nuk do të më ngacmonte. Nëna ime e kishte falur, por ai filloi përsëri. Pas një përdhunimi, unë ngela shtatzënë, ”tha Bacot. Ajo në atë kohë ishte 17 vjeçe.

Nëna e saj e dëboi nga shtëpia dhe ajo filloi të jetonte me Polette, të cilën ajo e përshkroi se kishte kontroll të plotë mbi jetën e saj. Ai nuk e lejoi të punonte ose të përdorte kontraceptivë dhe pas asaj marrëdhënie abuzive ajo kishte tre fëmijë.

“Ai më rrihte, më godiste me grushte, ”tha ajo, duke shtuar se në një rast ai e kishte kërcënuard me armë.

Në Mars 2016, pasi ai e kishte detyruar atë të prostituonte, ajo qëlloi Polette me armë. Fëmijët e saj e ndihmuan atë të varroste trupin, një akt për të cilin u dënua. 

"Po, unë e vrava atë, por nëse nuk do ta kisha bërë atë, fëmijët e mi do ta kishin bërë," tha Bacot.

Bacot u shpall fajtore për vrasje nga një juri në Chalon-sur-Saone, të Premten. Vendimi u prit me duartrokitje të rrëmbyeshme në gjykatë, me disa nga të afërmit e Bacot që u përlotën.

Anëtarët e familjes erdhën në gjykatë për të thënë se nuk pendohen për vdekjen e Polette. Vëllai dhe motrat e tij e përshkruan atë si një "përbindësh".

“Personi që falënderoj më shumë në botë është Valerie, sepse ajo e vrau atë. Ajo bëri atë që unë duhej të kisha bërë për një kohë të gjatë, ”tha motra e Polette, 59. Ajo tha se ai e përdhunoi atë kur ajo ishte 12 vjeç.

Dr. Denis Prieur, një psikiatër, tha se në kohën e abuzimit në familje, Bacot nuk kishte më vullnet të lirë. "Ajo nuk ishte në gjendje t'i drejtohej autoriteteve për ndihmë sepse burri i saj ishte gjithmonë atje."

Çështja ka tërhequr vëmendje dhe mbështetje të gjerë për të pandehuren, kur gratë bmë shumë se kurrë janë të lënduara nga tabutë.

TAG:
• france
• perdhunim
• ngacmim seksual