Vrau dhëndrin pas sherrit për kujdestarinë e fëmijëve, burg përjetë për Mexhit Picarin! Apeli ul dënimin për të bijën

Vrau dhëndrin pas sherrit për kujdestarinë e fëmijëve, burg përjetë për Mexhit Picarin! Apeli ul dënimin për të bijën

Kudret Saliaj, Dhurata Saliaj dhe Mexhit Picari

Gjykata e Apelit ka shpallur sot (12.07.2023) vendimin për Mexhit Picarin dhe të bijën Dhurata Saliaj, të cilët akuzohen për vrasjen e Kudret Saliajt.

Apeli ka vendosur dënimin me burgim te përjetshëm për Mexhit Picarin, ndërsa e bija, Dhurata Saliaj, u dënua me 4 vjet e 6 muaj burgim. Kjo e fundit akuzohet për krijim të kushteve për të kryer vrasjen. Për Dhurata Saliajn gjykata rrëzoi akuzën për bashkëpunim në vrasje.

‘Konkretisht Mexhit Picari u deklaruar fajtor kryerjen e veprës penale "Vrasja për shkak të marrëdhënieve familjare", parashikuar nga neni 79/c te Kodit Penal dhe dënimin e tij me burgim te përjetshëm; për kryerjen e veprës penale "Vrasja e funksionareve publike", parashikuar nga neni 79/a e 22 te Kodit Penal dhe dënimin e tij me 30 (tridhjete) vjet burgim; Deklarimin fajtor për kryerjen e veprës penale "Mbajtja pa leje dhe prodhimi i armeve, armeve shpërthyese dhe i municionit, parashikuar nga neni 278/1 te Kodit Penal dhe dënimin e tij me 5 (pese) vjet burgim. Në baze të nëntin 55 të Kodit Penal, bashkimin e dënimeve në një dënim të vetëm dhe dënimin e të pandehurit Mexhit Picari me burgim të përjetshëm. Ndërsa Dhurata Saliaj, u deklarua fajtore për kryerjen e veprës penale "Sigurimi i kushteve dhe mjeteve materiale për të kryer vrasje", parashikuar nga neni 80 i Kodit Penal dhe dënimin e saj me 4 (katër) vjet e 6 (gjashtë) muaj burgim.’- njoftoi gjykata e Apelit

Si ndodhi ngjarja?
Ngjarja e rëndë ndodhi mesditën e datës 4 qershor në një lokal pranë Gjykatës Civile, në Tiranë, ku Mexhit Picari, 53 vjeç vrau në mes të lokalit, bashkëshortin e vajzës në proces divorci, Kudret Saliaj 41 vjeç, pak minuta para seancës së 5-të. I plagosur, jashtë rrezikut për jetën, mbeti dhe avokati i viktimës, Adriatik Cama. Kudret Saliaj u qëllua me 8 plumba, nga vjehrri, ndërsa në trup e kanë kapur 5 plumba.

Viktima në momentin që është vrarë nga ish-vjehrri, ndodhej pranë gjykatës duke konsumuar një kafe me avokatin e tij në këtë proces divorci, Adriatik Cama i cili po ashtu mbeti i plagosur. Konflikti për kujdestarinë e fëmijëve solli vrasjen te Gjykata e Tiranës, ku mamaja do t'i takonte në prani të psikologes! E vetme, pa 3 fëmijët, për të cilët ka humbur kujdestarinë dhe pa bashkëshortin që sot nuk jeton më, 33-vjeçarja Dhurata Saliaj ndodhet në paraburgim me babanë, i cili më 4 qershor vrau me 5 plumba, bashkëshortin me të cilin ishin në proces divorci.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Në Shqipëri do të prodhohen municione për Ukrainën, si e vlerësoni?



×

Lajmi i fundit

‘Keqpërdorim i administratës publike’, Stano thirrje Serbisë: Zbatoni rekomandimet e ODIHR-it për zgjedhjet parlamentare

‘Keqpërdorim i administratës publike’, Stano thirrje Serbisë: Zbatoni rekomandimet e ODIHR-it për zgjedhjet parlamentare