Vrau pronarin e shtëpisë në Shkodër, autori 34-vjeçar u strehua në banesën e një gruaje, e kërcënoi që mos e kallëzonte

34-vjeçari Lekë Vuksani u arrestua 21 orë pasi ekzekutoi Petrit Vuksanin në banesën e tij. Qiraxhiu u strehua në banesën e një gruaje të cilën e kërcënonte që të mos tregonte se ishte fshehur aty.

Në këtë banesë kishte fshehur edhe armën me të cilën vrau Petrit Vuksanin.

Njoftimi i policisë:

Shkodër

Pas 21 orësh kërkime dhe ndjekje, lokalizohet, kapet dhe vihet në pranga autori i dyshuar i vrasjes së kryer mesditën e djeshme, në lagjen “Tom Kola”.

Gjendet dhe sekuestrohet arma e zjarrit automatik me të cilën dyshohet se u krye vrasja.

34-vjeçari u lokalizua në një banesë në rrugën “Pjetër Budi”, Shkodër, ku ishte strehuar pasi kishte kërcënuar pronaren e kësaj banese.

Strukturat operacionale të DVP Shkodër dhe ato të Komisariatit të Policisë Shkodër, në bashkëpunim me Forcën Speciale RENEA, pasi 21 orësh, si rezultat i kërkimeve dhe ndjekjes së pandërprerë policore, me mbështetjen e informacioneve të siguruara nga inteligjenca informative, kanë bërë të mundur lokalizimin, kapjen dhe vënien në pranga të shtetasit L. V., 34 vjeç, banues në Shkodër.

34-vjeçari u lokalizua në banesën e një shtetaseje, në rrugën “Pjetër Budi”, Shkodër, banesë në të cilën kishte mundur të strehohej pasi gjatë natës kishte kërcënuar pronaren e kësaj banese për t’i hapur derën dhe për të mos kallëzuar.

Gjithashtu, në të njëjtën banesë, u gjet edhe arma e zjarrit automatik me të cilën dyshohet se autori kreu vrasjen.

Shtetasi L. V. dyshohet se rreth orës 12:15, të ditës së djeshme, në lagjen “Tom Kola”, vrau me armë zjarri automatik, në banesë, shtetasin P. V., 51 vjeç.

Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.

Lajmi kryesor:

Vrau pronarin e shtëpisë në Shkodër për qiranë, në pranga pas 21 orësh arrati autori 34-vjeçar! U strehua në banesën e një gruaje dhe e kërcënoi

G.MO/Shqiptarja.com

TAG:
• vrasje
• Shkoder
• Lekë Vuksani
• Petrit Vuksani
• vrasja e petrit vuksanit