POP 5

Lajmet më të lexuara të 5 minutave të fundit

Kronikë

BE premtoi 145.000 doza Pfizer për Shqipërinë, Várhelyi sjell të mërkurën dërgesën e parë

Dërgesat e para të vaksinave anti-COVID të financuara nga BE-ja për vendet e Ballkanit Perëndimor, pritet të mbërrijnë në fillim të javës që vjen. Një lajm i tillë është dhënë nga Komisioneri për Fqinjësinë dhe Zgjerimin, Olivér Várhelyi, i cili do të udhëtojë në Ballkanin Perëndimor javën e ardhshme.

BE premtoi 145.000 doza Pfizer për Shqipërinë, Várhelyi sjell të mërkurën dërgesën e parë

Dërgesat e para të vaksinave anti-COVID të financuara nga BE-ja për vendet e Ballkanit Perëndimor, pritet të mbërrijnë në fillim të javës që vjen. Ndërkohë që në vendin tonë pritet të mbërrijnë ditën e mërkurë, por ende nuk është specifikuar sasia që do të vijë. Një lajm i tillë është dhënë nga Komisioneri për Fqinjësinë dhe Zgjerimin, Olivér Várhelyi, i cili do të udhëtojë në Ballkanin Perëndimor javën e ardhshme.

Várhelyi do të fillojë vizitën e tij në rajon të hënën pasdite në Serbi, pastaj në Bosnjë dhe Hercegovinë, Mal të Zi dhe Maqedoni të Veriut të martën dhe do të mbyllë vizitën e tij të mërkurën në Shqipëri dhe Kosovë.

 “ Dorëzimi i vaksinave konfirmon angazhimin tonë të vazhdueshëm për të siguruar mbështetje, siç kemi bërë që nga shpërthimi i pandemisë. Më të fortë së bashku!”, tha Varhelyi.

Më 20 prill, Komisioni Evropian deklaroi se do të dhuronte në total 651 mijë doza BioNTech / Pfizer do të dorëzohen në rajon në këste javore nga fillimi i majit deri në gusht. Në saj të kësaj ndihme Shqipëria do të marrë 145 mijë doza, Kosova 95 mijë, Maqedonia e Veriut 119 mijë, Serbia 36 mijë, Mali i Zi 42 mijë dhe Bosnjë-Hercegovina 214 mijë doza.

Vaksinat financohen nga paketa 70 milionë euro e miratuar nga Komisioni në dhjetor 2020 për të ndihmuar në mbulimin e kostos së vaksinave, të siguruara në bazë të marrëveshjeve të BE-së për blerjen paraprake për partnerët e Ballkanit Perëndimor.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21