Një grua është qëlluar për vdekje nga një agjent i Shërbimit të Imigracionit dhe Doganave (ICE) në Minneapolis të SHBA-së

Sipas mediave të huaja, Këshilli i qytetit e identifikoi gruan e vdekur si Renee Nicole Good, e cila sipas tyre "ishte duke u kujdesur për fqinjët e saj këtë mëngjes dhe jeta e saj u mor sot nga duart e qeverisë federale".

Zëdhënësja e Departamentit të Sigurisë Kombëtare (DHS), Tricia McLaughlin, pretendoi se e ndjera u qëllua kur u përpoq të “armatoste” automjetin e saj dhe dyshohet po ashtu se u përpoq të shtypte një oficer.

Në një konferencë për shtyp, kryebashkiaku i Minneapolis, Jacob Frey, i quajti këto pretendime "mashtrime" dhe kritikoi ICE-në për operacionet e saj, duke u thënë oficerëve të "largohen nga qyteti amerikan".

"Ata tashmë po përpiqen ta paraqesin këtë si një veprim vetëmbrojtjeje. Duke e parë vetë videon, dua t'u them të gjithëve drejtpërdrejt se këto janë budallallëqe", tha ai.

Tensionet kanë qenë të larta në qytet ditët e fundit, për shkak të vendosjes së oficerëve të ICE-së në rrugë.

Sekretarja e Sigurisë Kombëtare, Kristi Noem, tashmë këmbëngul që operacionet e ICE do të vazhdojnë në Minneapolis, ndërsa FBI ka nisur një hetim.