TROPOJE - Një biznesmen, pronar i një pike karburanti dhe restoranti është vrarë mbrëmë me armë zjarri rreth orës 23:32. Viktima është Guxim Gjyriqi 47 vjeç. Ai është vrarë pranë pikës së karburantit të tij në lagjen "Partizani". Gjuriqit i është zënë pritë dhe pasi e thirrën në emër, atentatorët e qëlluan me breshëri automatiku nga një mjet pa targa duke i shkaktuar vdekjen e menjëhershme. Një makinë e djegur u gjet në fshatin Golaj të Hasit, e cila dyshohet se është përdorur nga autorët për tu larguar nga vendi i ngjarjes pas vrasjes së 47 vjeçarit.
Guximtar Gjuriqi, baba i tre fëmijëve, është kushëri i largët me Fatmir Haklajn, ish-shefin e komisariatit të policisë së Tropojës, që dha dorëheqjen nga posti më 9 janar 1998. Ende nuk dihet nëse vrasja e Guximtar Gjyriqit lidhet me ndonjë konflikt të castit apo hakmarrje, por burime konfidenciale thanë për Shqiptarja.com se familja Gjyriqi nuk ka pasur lidhje me atë se çfarë ndodhi me Haklajt, dhe janë të vetmit që nuk kanë lëvizur nga Tropoja, duke jetuar të qetë ndër vite.
Fatmir Haklaj dha dorëheqje nga strukturat e policisë së shtetit, menjëherë pasi iu vra vëllai Shkëlqim Haklaj. Ndërkohë që u vra më 4 nëntor të vitit 1999, në një pritë në fshatin Bujan, vetëm 50 metra larg shtëpisë së mikut të tij Jaho Salihi.
Policia ka nisur hetimet për zbardhjen e vrasjes së Guxim Gjyriqit, që e konsideron të paqartë, identifikimin dhe kapjen e autorit. Shërbimet e Komisariatit të Policisë Tropojë, Kukës dhe dy grupe të FNSH, vazhdojnë kontrollet dhe krehjen e zonës për të bërë të mundur kapjen e autorit.
Nga ana tjetër, menjëherë pas ngjarjes policia shoqëroi për të marrë në pyetje persona që mund të kenë djeni për rrethanat e ngjarjes, por deri më tani ende nuk ka një emër të autorëve që mund të ketë kryer vrasjen. Po ashtu, policia po verifikon edhe një mjet tip Citroen pa targa për të cilën mendohet të jetë përdorur nga autorët, e ndërsa makina e djegur dyshohet të jetë përdorur nga ndihmësit e tyre.
Kryetari i bashkisë së Tropojës Rexhë Byberi në një prononcim për Report Tv u shpreh se viktima njihej në komunitet si njeri i qetë dhe pa probleme. Ai theksoi se kjo është vrasja e parë brenda në qytet pas 18 viteve.
Gazetari i Shqiptarja.com Elton Qyno i ftuar në studion e Report Tv zbardhi detaje të reja nga vrasja në Tropojë mbrëmjen e djeshme. Ai tha se autorët e kanë thirrur biznesmenin Guxim Gjyriqi duke e nxjerrë nga restoranti i tij dhe më pas e kanë vrarë. Qyno u shpreh se Guxim Gjyriqi kishte lidhje me familjen Haklaj dhe se vrasja është bërë për hakmarrje.
"Një personazh që dikur ka qenë i lidhur me botën e krimit. Dy vëllezërit, ai që u vra dhe ai që është gjallë gjatë 1997-2000 kanë qenë shoqëruar ndjeshëm me familjen Haklaj, janë edhe kushërinj me informacionet që kam unë. Mesa kam pyetur efektivë dhe prokurorë që kanë qenë atje, më konfirmojnë se dy personazhet kanë qenë pjesë e kësaj familje dhe kanë marrë pjesë direkt apo indirekt në disa ngjarje kriminale. Ngjarja besoj nga hakmarrja, nga lidhjet me Haklajt dhe mënyrë si është kryer.
Personi është thirrur është nxjerrë nga biznesi, është qëlluar. Makina ka qenë pa targa, organizimi ka qenë i mirëfilltë dhe jo konflikt i çastit. Nëse do të kishte konflikt të çastit do të kishim autorët. Por në kushtet kur vetë viktima nuk ka pasur konflikte tregon se vrasja ka qenë si pasojë e së kaluarës. Kam përshtypjen se ka pasur të shoqëruar të personave që kanë dijeni për ngjarjen. Duhet vullneti i shtetit dhe të tjerave, kjo duhet të zbardhet edhe autoritetin e shtetit në Tropojë" tha Qyno.
Report Tv siguron pamjet nga vendi i ngjarjes ku u vra biznesmeni në Tropojë, pika e tij e karburantit. Guxim Gjyriqi 47 vjeç, u ekzekutua mbrëmjen e djeshme pranë pikës së tij të karburantit.
Makina e djegur qe u gjet
Në fshatin Golaj të Hasit është gjetur një makinë tip 'Ford Fiesta' e djegur, e cila dyshohet se u përdor nga autorët për largimin nga vendi i ngjarjes pas vrasjes së biznesmenit Guxim Gjyriqi në Tropojë mbrëmjen e djeshme.
Drejtori i policisë së qarkut të Kukësit Zef Laska deklaron se ende nuk ka shoqërime lidhur me vrasjen e mbrëmshme në Tropojë të Guxim Gjyriqit. Në një prononcim për Report Tv ai shprehet se po verifikohen pamjet filmike nga kamera e sigurisë.
.jpg)
Guxim Gjyriqi, që u ekzekutua me armë zjarri në Tropojë mbrëmjen e djeshme është babai i tre fëmijëve, dy djemve dhe një vajze. Report Tv sjell foton e 47-vjeçarit, i cili njihej si njeri i qetë dhe pa probleme. Ai kishte një pikë karburanti dhe një restorant, ndërsa ende nuk dihen shkaqet e vrasjes.
Kryetari i bashkisë së Tropojës Rexhë Byberi në një prononcim për Report Tv u shpreh se viktima njihej në komunitet si njeri i qetë dhe pa probleme. Ai theksoi se kjo është vrasja e parë brenda në qytet pas 18 viteve. "Unë nuk e njoh për njeri me probleme, ishte i qetë, nuk e di nëse ka hakmarrje. Brenda në qytet kjo është vrasja e parë që ndodh pas 18 viteve" tha ai.
Komente
Lajme të tjera
-
Mbulohet nga ‘velloja e bardhë’ e dëborës, pamjet mbresëlënëse me dron nga Valbona (VIDEO)
15 Dhjetor, 08:55 -
Kryebashkiaku i Tropojës kërkon lirinë, GJKKO merr vendimin për Rexhë Byberin
13 Dhjetor, 13:30 -
PD denoncoi se Rexhë Byberi theu arrestin shtëpiak dhe shkoi në bashki, avokati për Report Tv: Mori leje
11 Dhjetor, 10:42
-
PD denoncon kryebashkiakun e Tropojës: Rexhë Byberi theu masën e arrestit shtëpiak më 6 Dhjetor, shkoi në zyrë për të shpetuar mandati
10 Dhjetor, 21:23 -
Pamje spektakolare! Bora zbardh luginën e Valbonës, vizitorë të shumtë edhe nga Kosova: Problem energjia për bizneset, të zhvillohet zona (VIDEO)
8 Dhjetor, 15:04
-
‘K'cimi i Tropojës’ në UNESCO, Hysenaj në Report Tv: 12 vite që të hartohej dosja! Skënder Haklaj: Do njihemi në të gjithë botën, vështirë të caktohet lashtësia e tij
4 Dhjetor, 19:47 -
“K'cimi i Tropojës”, zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO!
3 Dhjetor, 22:28 -
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Tropojë/ IMT i kapi duke ndërtuar pa leje në zonën turistike të Valbonës, Policia procedon 4 banorët
27 Nëntor, 13:40 -
Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj! Momenti i arrestimit (VIDEO)
24 Nëntor, 11:21 -
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
Turisti australian Cameron Twiss zhduket gjatë shëtitjes në Shqipëri! Humbi gjurmët në Valbonë rreth 6 javë më parë, i vëllai niset për ta kërkuar (FOTOT)
21 Nëntor, 17:08
Gj(q)yrranet, mercenaret e Haleve gjate krizes, keto lango do ngordhin si qener! amin
PërgjigjuPo rikthehen vitet 1997-98 kur plasen vrasjet ne mase.
PërgjigjuE zhduk maksimalisht korrupsionin dokumentar bile percakton edhe njeriun qe mund te hyjne ne server per te fallsifikuar dokumentin,oren e diten(me falni ndofta se mund te bej gabim se nuk njoh terminologjin kompioturimetrike shqiptare)Programet jane teper te sigurta,por si zakonisht ose fatkeqesisht gjeni qe komandon besimin ne dicka e kemi te demtuar,ndofta,ndofta rande.Se paku ne bote jane plotesisht te besushme.Shenj shume I mire isherbimit administrative.
PërgjigjuBir selmani i nenes ke te qaj me pare. Ke ngaterruar faqe per levdatat. Nuk ti lexon kush keto levdata ktu te ky lajm