Një vrasje ka tronditur qytetin e Prizrenit ditën e djeshme, ku një burrë 61-vjeçar Bajram Veliaj, ka vrarë bashkëshorten e tij 48-vjeçare, Armenda Veliaj. Ngjarja ka ndodhur mbrëmë pak kohë para mesnatës në rrugën 'Hysni Morina'. Ndërkohë për këtë ngjarje ende nuk bëhen të ditura motivet por po punohet për zbardhjen e plotë të rastit.
Sipas mediave kosovare, viktima është nëna e këshilltares së kryeministrit të dorëhequr të Kosovës, Ramush Haradinaj, Djellza Hoti. Çifti kishte ardhur me pushime nga Zvicra në Kosovë dhe do të qëndronin disa javë. Vajza e viktimës mban edhe postin e nënkryetares së AAK-së.
Policia dhe grupi hetimor në vendin e ngjarjes kanë gjetur viktimën si dhe 15 gëzhoja të kalibrit 9 mm, ndërsa autori është ndaluar për 48 orë , ndërsa, pritet që në Gjykatë të dorëzohet edhe kërkesa për caktimin e masës së paraburgimit ndaj tij.
Kjo ngjarje e rëndë ka sjellë reagime të forta edhe nga politika në Kosovë. Fillimisht ka qenë vajza e saj, Djellza Hoti që ka shkruar një dedikim lamtumire të ndjerë për nënën e saj.
“Pusho e qetë në paqe mami jem, engjëlli jem”, ka shkruar vajza e të ndjerës. Mësohet se viktima ishte martuar disa vite më parë me 61-vjeçarin dhe nuk kishin fëmijë, ndërsa ka dy vajza nga martesa e parë.
Për krimin ka reaguar edhe kryeministri ende në detyrë i Kosovës Ramush Haradinaj: “Thellë i prekur nga vdekja tragjike e Armenda Aliut, mikes sonë dhe nënës së koleges nga kabineti Diellza Hoti. Ngushëllime familjes dhe miqve. I qoftë i lehtë dheu i Kosovës! RH”. shkruan Haradinaj.
Një reagim të fortë ka bërë edhe Ambasadorja e Kosovës në SHBA, Vlora Çitaku. Çitaku tha se nuk është koha për tronditje e për të bashkëndjerë dhimbje, por është koha për revoltë.
“Gratë po vriten me një lehtësi të padurueshme. Dhunë e vrasje ndaj grave ka kudo. Ajo që bën dallimin është mënyra se si reagon shoqëria dhe institucionet”, ka shkruar Çitaku në Facebook.
Po ashtu një reagim ka bërë edhe deputetja e Kuvendit të Kosovës, Mimoza Kusari-Lila. Kusari-Lila theksoi se për një vit vrasjet e grave në familjet e tyre janë rritur për 50 përqind në Kosovë.
“Nga 4 gra të vrara në familje në 2017, 6 gra u vranë në vitin 2018. Me vrasje ka filluar edhe viti 2019, kur menjëherë pas mesnate me 1 Janar u vra viktima e parë nga burri i saj në Gjilan. Familja, streha më e sigurt për secilin njeri, po gllabëron jetë grash në Kosovë.” tha Kusari Lila.
Ajo shtoi se vrasja e mbrëmshme në Prizren e Armenda Velijajt, tregon se problemi është më i thellë se reagimi i momentit.
“Vrasja e fundit mbrëmë në Prizren e Armenda Velijajt nga bashkëshorti i saj me të cilin jetonte në Zvicër, tregon se problemi është më i thellë në shoqërinë tonë se sa vetëm reagimi i momentit. Jeta e Armendës u shua parakohe nga 15 plumba, fakt që e tregon se dhuna dhe nxitja e saj ndaj grave ka rrënjë më të thella në shoqërinë tonë."
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58
