Vritet 47-vjeçari në Klos, goditet me sende të forta nga gruaja dhe vajza e tij! Policia i arreston! Familja jeton në kushte ekstreme! Fqinjët: Kishin probleme mendore (EMRAT)

Policia e Dibrës ka njoftuar sot se ka zbardhur dhe dokumentuar ngjarja e ndodhur mbrëmë në fshatin Gurrë e Vogël, Klos, ku u gjet pa shenja jete shtetasi Ylber Lezi. Policia ka arrestuar gruan dhe vajzën e tij, si të dyshuara se kanë kryer vrasjen.

"Në vijim të veprime të kryera nga grupi i posaçëm hetimor, i ngritur në Komisariatin e Policisë Mat, nën drejtimin e Prokurorisë së Rrethit Gjyqësor Mat, në bazë të provave të grumbulluara u bë arrestimi në flagrancë i shtetaseve : Mine Lezi, 51 vjeçe dhe Aida Lezi, 21 vjeçe (nënë e bijë). Nga tërësia e veprimeve hetimore të kryera dyshohet se dy shtetaset e lartpërmendura në bashkëpunim me njëra tjetrën, në banesë  kanë goditur me sende të forta duke i shkaktuar vdekjen e menjëhershme shtetasit Y. L. Materialet procedurale  iu referuan Prokurorisë se Rrethit Gjyqësor Mat, për veprën penale “Vrasja për shkak të marrëdhënieve familjare", thuhet në njoftimin e policisë.

Familja Lezi në Dibër jetonte në kushte ekstremist të këqija. Siç shihet edhe nga pamjet e siguruara nga Report Tv shtëpia ishte në gjendje të mjeruar, e rrethuar me shkarpa dhe dru zjarri. Të kujton vitet e errëta të Mesjetës. Nga banorët e fshatit është treguar për mediat se përveç gjendjes së mjerueshme, anëtarët e familjes Lezi vuanin edhe nga sëmundje mendore.

Në lidhje me vrasjen e rëndë të ndodhur në Klos mbrëmjen e djeshme, ka folur për mediat edhe kryetari i fshatit Gurrë e Vogël në Burrel Ibrahim Elezi, i cili ka dhënë më shumë detaje për familjen.

Ai thotë se Ylber Lezi ka qëë ka qenë përdorues i rregullt i alkoolit, ndërsa gruaja e tij me probleme të shëndetit mendor. Për vajzën kryeplaku thotë se vajza kishte pak kohë që kishte shfaqur shenja të depresionit.

“Dëgjuam zhurmë dhe dolëm jashtë, dera e tyre ishte e mbyllur, nuk kishim si hynim brenda. Lajmëruam policinë.

Ka qenë përdorues alkooli në masë, bashkëshortja ka qenë me probleme mendore, vajza ka pak ditë që kishte kaluar në depresion. Gjendja ekonomike e vështirë, mblidhen të gjitha ato… Iu kishim lidhur energjinë elektrike, dhe e kishin shkatërruar, merrte ndihmë ekonomike 60 mijë lekë, Ylberi ka qenë i goditur me sende të forta në kokë, me dru ose me tullë. Ka qenë prokurori brenda në banesë, nuk vonoi as gjysmë ore policia për të ardhur”, tha kryeplaku.

Report Tv siguron pamjet nga vendi i ngjarjes së rëndë të mbrëmjes së djeshme, kur u vra në fshatin Gurrë e Vogël, Klos, një 47-vjeçar pas konfliktit me gruan dhe vajzën e tij.