Kryeministri serb Aleksandar Vuçiç ka zhvilluar një bisedë telefonike me homologun e tij grek, Aleksis Cipras. Sipas mediave serbe që kanë zbardhur këtë bisedë, Vuçiç i ka kërkuar Tsipras që Athina të mos votojë pro anëtarësimit të Kosovës në UNESCO. 

“Në një bisedë të gjatë dhe të frytshme të dy kryeministrat shkëmbyen mendime mbi krizën e migrantëve, duke rënë dakord se është e nevojshme për të koordinuar politikat për këtë çështje. Temë e diskutimit ishte dhe promovimi i bashkëpunimit ekonomik”, theksohet në njoftimin e publikuar nga qeveria serbe. 

"Kryeministrat e të dy vendeve diskutuan të gjitha çështjet rajonale, veçanërisht çështjet e Kosovës. Vuçiç i kërkoi kryeministrit Tsipras se Greqia nuk duhet të votojnë për pranimin e Kosovës në UNESCO", - vazhdon më tej njoftimi i qeverisë serbe. 

Vuçiç ka ftuar homologun grek të vizitojë Beogradin, ndërsa kjo vizitë do të zhvillohet brenda tre katër muajve të ardhshëm.


Redaksia Online
(Gre.M/shqiptarja.com)