Kryeministri i Serbisë, Aleksandar Vucic viziton për herë të dytë Srebenicën. Vuçiç  pritet që të mërkurën të qëndrojë në Srebrenicë ku do të marrë pjesë në një konferencë për ekonomi e më pas të bëjë edhe homazhe tek memoriali i viktimave të masakrës së Srebrenicës.

Kjo është hera e dytë brenda këtij viti që kryeministri serb shkon në Srebrenicë. Në vitin 1995 në Srebrenicë u masakruan 8000 burra dhe djem muslimanë.

Herën e fundit kur ai mori pjesë në ceremoninë përkujtimore të masakrës që ishte bërë më 11 korrik, derisa po vendoste lule në pllakën përkujtimore Vucic  është gjuajtur me gurë nga qytetarët e Bosnjës.

Kryeministri serb kishte deklaruar se krahas kësaj dora e tij ndaj kombit boshnjak do të mbetet e shtrirë.

Redaksia online
(shqiptarja.com)