Vuçiç pas kërkesës së Interpol-it: Do të jemi me serbët para dhe pas Banjskës

Presidenti i Serbisë, Aleksandër Vuçiç, në një tubim parazgjedhor të partisë së tij PPS, në Krushevc tha "na presin shumë telashe sa i përket Kosovës".

Ai përsëri ka paralajmëruar “situatë edhe më të vështirë” dhe se “do t’i mbrojë” interesat jetike, kombëtare dhe shtetërore të Serbisë dhe serbëve të Kosovës “deri në frymën e tij të fundit”.

“Nuk dua t’ju ​​them fare se çdo gjë do të jetë e ëmbël dhe se do të rrjedhin mjaltë dhe qumësht dhe lulet do të lulëzojnë. Ju e dini këtë dhe unë nuk do t’ju gënjej. Çfarëdo që të ndodhë, ne do të jemi gjithmonë me popullin tonë, para dhe pas Banjskës dhe do të jemi gjithmonë me serbët që jetojnë në Kosovë dhe nuk do t’i lëmë kurrë në baltë”, tha Vuçiç.

LEXO EDHE:
'Mëngjesit të 17 majit Kosova anëtarësohet në KiE', Vuçiç sfidon Amerikën: Unë rri dhe pi me Dodikun e sanksionuar

Në takimin e kaluar parazgjedhor në Arenën e Beogradit në fund të javës së kaluar, presidenti serb ka paralajmëruar “gjendjen e rëndë në Kosovë”.

“Kohërat e vështira në Kosovë, dhe do të ketë edhe më shumë, jam shumë i sigurt, ndoshta edhe më të vështira. Por ne kurrë nuk do të heqim dorë nga “populli ynë” dhe kurrë nuk do t’ua kthejmë shpinën”, kështu ka pretenduar në atë kohë Vuçiç.

S.S/Shqiptarja.com

TAG:
• aleksander vucic
• serbi
• tensione ne veri te kosoves