Vuçiç bën deklaratën e fortë: Do i kërkojmë KFOR-it të vendosjen e trupave ushtarake serbe në Kosovë

Presidenti i Serbisë, Aleksandar Vuçiç, ka bërë një deklaratë të fortë mbrëmjen e sotme duke deklaruar se do t’i drejtohet KFOR-it me kërkesën për të çuar trupat ushtarake serbe në Kosovë.

“Ne u dakorduam sot për tekstin që t’i dërgojmë një kërkesë komandantit të KFOR-it, në përputhje me Rezolutën 1244, për të siguruar dislokimin e pjesëtarëve të ushtrisë dhe policisë serbe në territorin e Kosovës dhe Metohisë, dhe vendimi i Qeverisë [për këtë çështje do të merret të hënën ose të martën”, tha Vuçiç gjatë një konference për media.

LEXO EDHE:
Zgjedhjet në SHBA/ Trump shton sulmet personale ndaj kandidatit të pavarur: Familja e Kennedy Jr, një tufë të çmendurish

Ai tha se e di që kjo kërkesë do të refuzohet.

“Por, është mirë që një ditë nuk do të thonë se nuk e kemi kërkuar kurrë dhe se asnjë qeveri nuk guxoi të kërkonte” dislokimin e trupave në Kosovë, tha presidenti serb.

Lajmi kryesor:

Barrikada në rrugë e të shtëna armësh, tensionet prekin kulmin në Kosovë! Vuçiç kërcënon me futjen e ushtrisë serbe! Kurti: Përgjigjemi me gjithë forcën

B.V/Shqiptarja.com

TAG:
• aleksander vucic
• tensione ne veri te kosoves