Presidenti i Serbisë, Aleksandar Vuçiç, tha se “nuk kemi dëgjuar asnjëherë nga vendet e Bashkimit Evropian që njohja reciproke të kërkohet si qëllim i dialogut ndërmjet Beogradit dhe Prishtinës”, por se e kupton që edhe kjo po ndryshon.
“Askush nuk ka folur ndonjëherë për njohje reciproke, përveç amerikanëve që e miratuan atë doktrinë saktësisht tre vjet më parë”, tha Vuçiç pas takimit në Beograd me kancelarin gjerman, Olaf Scholz.
Ai tha se gjërat po ndryshojnë në përputhje me atë që po ndodh “në disa pjesë të tjera të Evropës”.
“Nëse mendoni se duhet të na kërcënoni sepse ne po përpiqemi të ruajmë rendin e Kombeve të Bashkuara ose sepse duam të arrijmë një zgjidhje kompromisi, ne nuk kemi asgjë kundër”, tha Vuçiç, duke shtuar se Serbia kurrë nuk e ka refuzuar dialogun.
Ndërkaq, kancelari gjerman, Olaf Scholz, theksoi në Beograd se qëndrimi i Gjermanisë për çështjen e Kosovës është i qartë dhe i njohur prej vitesh dhe shtoi se tani është e nevojshme që “të gjithë në proces të bëjnë përpjekje për të bërë përparim”.
“Shpresoj se do të marrim një raport për këtë progres. Hap pas hapi, të dyja palët duhet të kontribuojnë në të dhe janë përgjegjëse për të mos bllokuar asgjë, për të mos shtyrë takimet dhe për të bërë një sërë hapash të vegjël që do të çojnë në qëllimin përfundimtar”, tha ai.
Lideri gjerman tha se pret nga shtetet kandidate për anëtarësim në Bashkimin Evropian që t’i bashkohen bllokut në sanksionet kundër Rusisë për shkak të pushtimit të Ukrainës.
“Është e rëndësishme që sa më shumë vende t’i bashkohen sanksioneve, sepse është një instrument që ndihmon Ukrainën. Sanksionet janë shumë efektive, shumë më efektive pas sanksioneve të vendosura pas aneksimit të Krimesë në 2014”, tha Scholz.
“Paketa e gjashtë e sanksioneve të BE-së kundër Rusisë nuk do të zhduket vetëm pas luftës, por është një kusht për përmirësimin e situatës në mënyrë që Rusia të pranojë faktin se nuk mund të diktojë paqen, por duhet të negociojë dhe të bie dakord me Ukrainën për një marrëveshje që do të mbrojë integritetin e Ukrainës”, shtoi lideri gjerman.
Scholz po qëndron në Beograd pasi disa orë më parë u takua në Prishtinë me kryeministrin e Kosovës, Albin Kurti./REL
Komente
Lajme të tjera
-
Tragjedia me 14 të vdekur në Novi Sad, qindra protestues kërkojnë përgjegjësi prej autoriteteve në Beograd
3 Nëntor, 20:32 -
Beograd/ Bëri simbolin e shqiponjës, arrestohet shtetasi zvicerian, shpallet në kërkim shoku i tij
3 Nëntor, 15:17 -
FOTO/ Tifozët e Spartës së Pragës shfaqën Kosovën si Serbi në stadium, sulmuesi i tyre reagon me shqiponjën dykrenore
3 Nëntor, 14:32 -
Gjermani/ I riu shqiptar vetëvritet në banesë! Babai apel për ndihmë për kthimin e trupit në atdhe: Pronari nuk i jepte pagesën
3 Nëntor, 07:19
-
Izraelitët aplikojnë për pasaportë gjermane
2 Nëntor, 22:24 -
Do të ketë zgjedhje të parakohshme në Gjermani?
2 Nëntor, 19:31 -
Serbi/ Nisin hetimet pas shembjes së strehës në Novi Sad që la 14 të vdekur
2 Nëntor, 13:20 -
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Tragjedia në Novi Sad/ Përfundon operacioni i kërkimit, 14 të vdekur! Serbia shpall 2 nëntorin ditë zie
2 Nëntor, 09:56 -
Serbi/ Shembet streha në stacionin e trenit në Novi Sad, 14 viktima (VIDEO)
1 Nëntor, 16:21 -
Serbia: Projektligjet për serbët në Kosovë nuk cënojnë zotimet tona në procesin e dialogut
1 Nëntor, 15:12 -
Shtetet e Bashkuara kritikojnë projektligjet e miratuara nga Serbia që lidhen me Kosovën
1 Nëntor, 09:04
Daklarata e kancelarit gjerman,sikur ka rehatuar Vuçiqin dhe Serbine,se anetaresimi i Serbise ne BE nuk behet per shkak te mosnjohjes se Kosoves shetet,e njohjen e Kosoves shtet, nuk ka as nuk do kete serbe qe e pranon dhe nenshkruan,Keshtu, po mbyllet ende pa u hapur dialogu per marreveshje me Serbine.Madje, Serbia anetaresimin ne BE as nuk e ka,as nuk e ka pasur pretendim kombetar e shteteror,kur ka raporte dhe perkrahje "vellazerore" me Rusine.Ndersa Kosova ngelet ne ate vend,pa fajin dhe me gjitha kushtet e plotesuar per anetaresim ne BE,perjashtim kushtit te paplotesuar perhere me Serbine.
PërgjigjuNjë sojë dhe në kordinim me fashistin Vucic reagoi Edvin shkjau shqipfolës në Greqi…!!! Kush ështé ky njeri që e mbron serborusin aq shumë dhe njëherisht km shqipfolës shqipëtar…!?
Përgjigju