Vuçiç: KFOR lejoi që të vriten serbët në Manastir

Presidenti i Serbisë, Aleksandar Vuçiç, ka thënë se KFOR-i ka lejuar Policinë e Kosovës të vras sa më shumë serb në Manastir.

“Në asnjë mënyrë nuk e arsyetoj vrasjen e policit të Kosovës, nuk ka pasur nevojë për këtë. Kurti është organizator i kaosit në veri. Është diçka e pabesueshme për 1 orë e 20 minuta 10 serbë kanë qenë në rrethim të plotë dhe është zbatuar sulm brutal në ta. Kemi thënë pse se ka bërë KFOR-I. Por ata i kanë dhënë ta drejtë Kurtit të vrasë sa më shumë njerëz”, ka thënë Vuçiç.

LEXO EDHE:
Arrestohet një person në Serbi, kërcënoi me jetë presidentin Aleksandër Vuçiç

Më tej ai ka thënë se në grupin terrorist nuk ka serbë nga Serbia qendrore por vetëm e serbë të veriut të Kosovës.

“Tre serbë janë vrarë, dy me snajper nga një distancë e madhe, që nuk ka pasur nevojë të ndodhë. Një person është në pikëpyetje nëse do mbijetojë, nuk i kanë dhënë ndihmë. E kemi incizimin ku qeshen Policia e Kosovës, thonë lëre le të vdesë”, ka thënë ai.

“Ata kanë shfrytëzua snajperë dhe kanë shtënë edhe në shtëpi private, ku ka pasur vetëm pleq”, ka pretenduar Vuçiçi.

Lajmi kryesor:

Vritet polici dhe 3 sulmues në Veri, Vuçiç: I vetmi fajtor është Kurti! Mund të na vrisni të gjithëve, s'do e njohim kurrë Kosovën

M.Q./Shqiptarja.com

TAG:
• aleksander vucic
• vritet polici ne kosove