Presidenti i Serbisë, Aleksandar Vuçiç, për të dytën ditë radhazi nuk ngurroi të përmend se në darkën joformale të liderëve nga rajoni në Athinë, kryeministri Dimitar Kovaçevski iu drejtua me ton të ashpër kolegut të tij nga Kosova, Albin Kurti. Arsyeja për këtë supozohet se është vizita e Kurtit në Çair dhe Tetovë. Vuçiç sot, pa u pyetur fare nga gazetarët serbë, vendosi t’i referohet sërish darkës së Mitsotakisit.
“Ajo që ishte e dukshme në darkë ishte përplasja Kovaçevski-Kurti. Ndërsa Kurti përsëriste se është heroi më i madh dhe se do të donte të ishte Zelensky”, tha Aleksandar Vuçiç – President i Serbisë.
Alsat i dërgoi pyetje Qeverisë nëse ka pasur përplasje të tillë apo Shkupi do ta përgënjeshtrojë. Më pas, në çfarë teme ka qenë zënka mes Kovaçevskit dhe Kurtit për të cilën flet Vuçiç, si dhe vlerësimi i komunikimit dypalësh në nivelin më të lartë mes Shkupit dhe Prishtinës në këto momente. Në vend që të merrnim përgjigje konkrete nga Qeveria, ata na kthyen tekst që nuk kishte lidhje me pyetjet tona:
“Temë diskutimi në darkën joformale ku mori pjesë edhe kryeministri Kovaçevski ishte ecuria e procesit integrues evropian të vendeve të Ballkanit Perëndimor, si dhe rëndësia strategjike e rajonit për Bashkimin Evropian, por edhe stabiliteti, prosperiteti dhe integrimi i Ballkanit Perëndimor në BE”- Qeveria.
Në përgjigje të pyetjeve gazetareske, zëvendëskryeministri Bojan Mariçiç, i cili e shoqëroi kryeministrin në Athinë, për të gjitha pyetjet na drejtoi te Kovaçevski. Ai u arsyetua se për të nuk ka pasur vend në darkën e liderëve dhe ka qenë e mbyllur, ndaj tha se nuk e dinte se çfarë ka ndodhur. Mariçiç vetëm tha se kryeministri Kovaçevski ka përsëritur vazhdimisht se pret që të gjithë fqinjët tanë të na trajtojnë me respekt, siç veprojmë ne ndaj tyre.
“Nuk kam qenë i pranishëm në atë pjesë dhe nuk mund të them nëse ishte vërtet apo sa e ashpër ishte. Ajo që di dhe jam i sigurt është se kryeministri Kovaçevski ka përsëritur mesazhin e njëjtë në të gjitha takimet se Maqedonia e Veriut ka qenë gjithmonë fqinje e mirë, njëlloj e prirë ndaj të gjithë fqinjëve të saj”, deklaroi Bojan Mariçiç– Zëvendëskryeministër për Çështje Evropiane.
Një ditë më parë Vuçiç përmendi për herë të parë se Kovaçevski përdori ton të ashpër ndaj Kurtit në darkën joformale të hënën në Athinë. Kjo u pasua me kritika të shumta ndaj Qeverisë nga disa parti opozitare shqiptare në vend. Izet Mexhiti nga Lëvizja Demokratike akuzoi se Kovaçevski e dëshmoi bindjen ndaj Serbisë, ndërsa BESA i bëri thirrje presidentit të vendit që të reagojë ndaj veprimeve të tilla të Kovaçevskit./ Alsat M
Komente
Lajme të tjera
-
Zgjedhjet në Kosovë/ Emigrantët do të votojë në ambasada dhe në konsullata
18 Dhjetor, 13:30 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Spiunimi i BIA-s, Serbia në 'burgun digjital'
18 Dhjetor, 08:22 -
Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat
17 Dhjetor, 15:30 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Kurti vizitë jashtë Kosovës, s'shkon të dëshmojë në Prokurori! Zëdhënësi për Report Tv: Gati t’i presë prokurorët në zyrë
16 Dhjetor, 10:25 -
Ekzekutimi mafioz në Athinë, policia heton motivet që fshihen pas atentatit ndaj Irakli Davellas! Shoku i tij rëndë në spital
16 Dhjetor, 09:23 -
Sulmi terrorist në Banjskë, Radoiçiç pret vendimin për aktakuzën në Serbi, Kosova këmbëngul në ekstradim
15 Dhjetor, 15:29 -
VIDEO/ Frikë në këndin e lojërave në Athinë, fëmijët mbesin në ajër pasi ikin dritat në park
15 Dhjetor, 13:11 -
Greqi/ Shqiptarëve u ndalohet tubimi në Athinë, Policia greke: Mund të shkaktojë tensione dhe reagime negative
14 Dhjetor, 21:49
Ka përplasje sepse Ali Ahmeti, Ramë reja dhe vucku jon përbetuar mos t'ja lënë një meritë dikujt që është më i madh, më i dijshëm. Horra
Përgjigju