Vuçiç paralajmëroi hyrjen e ushtrisë serbe në Kosovë, Haradinaj: SHBA dhe BE të reagojnë urgjentisht për të qetësuar situatën

Kreu i AAK-së, Ramush Haradinaj ka kërkuar që ndërkombëtarët të ndërhyjnë për të bërë të mundur qetësimin e situatës në veri të Kosovës pas paralajmërimeve të bëra nga Aleksandër Vuçiç se do të kërkonte vendosjen e ushtrisë serbe.

“Shteti i Kosovës të shfrytëzojë të gjithë mekanizmat që i ka për heqjen urgjente të barrikadave dhe çdo pengese tjetër në veri. Qeveria e Serbisë të heqë dorë menjëherë nga politika luftënxitëse dhe t’i tërheqë nga veriu njësitë e veta paramilitare. Apeloj te BE dhe SHBA që të ndërhyjnë me qëllim të qetësimit të situatës në veri. Paqja është e paalternativë! Kosova dhe Serbia të ulen dhe ta arrijnë marrëveshjen e paqes për njohje të ndërsjellë”, tha Haradinaj.

LEXO EDHE:
O’Brien nesër në Beograd për takime me krerët e Serbisë

Lajmi kryesor:

Barrikada në rrugë e të shtëna armësh, tensionet prekin kulmin në Kosovë! Vuçiç kërcënon me futjen e ushtrisë serbe! Kurti: Përgjigjemi me gjithë forcën

B.V/Shqiptarja.com

TAG:
• Ramush Haradinaj
• tensione ne veri te kosoves