Shtetet e Bashkuara vunë të premten sanksione ndaj një fondacioni iranian të akuzuar se kishte vënë një shpërblim prej disa milionë dollarësh në këmbim të vrasjes së shkrimtarit Salman Rushdie, i cili u sulmua gjatë një eventi në gusht të këtij viti.
Departamenti i Thesarit tha përmes një deklarate se ka përcaktuar Fondacionin iranian “15 Khordad” si entitet terrorist botëror, nën akuzën se ka vënë shpërblim për vrasjen e zotit Rushdie pas dekretit fetar të viti 1989 të ish udhëheqësit të Iranit Ayatollah Ruhollah Khomeini, ku bëhej thirrje për vdekjen e zotit Rushdie. Në vitin 2012, fondacioni e rriti shpërblimin për vrasjen e shkrimtarit në 3.3 milionë dollarë.
Rushdie, 75 vjeç, humbi shikimin në njërin sy dhe aftësitë për të përdorur njërën dorë pasi u sulmua me thikë, në skenë, nga një 24 vjeçar, para se të fliste në institutin “Chautauqua” në Nju Jork. Ngjarja ndodhi në gusht. Policia ka refuzuar të përgjigjet nëse autori i “Vargjeve Satanike” ndodhet ende në spital.
Nga sulmi shkrimtari mori plagë në mëlçi, tha aso kohe Andrew Wylie, që përfaqëson gjigandë të letërsisë si Saul Bellow dhe Roberto Bolano.
24 vjeçari nga Nju Xhersi i akuzuar për sulmin nuk ka pranuar akuzat për tentativë vrasje dhe sulm. Ai po mbahet pa garanci në një burg në perëndim të Nju Jorkut.
“Ky akt dhune, i cili është vlerësuar nga regjimi iranian, është i tmerrshëm. Ne të gjithë shpresojmë për rimëkëmbjen e shpejtë të Salman Rushdie pas sulmit ndaj tij,” tha në deklaratë Nënsekretari i Thesarit për Terrorizmin dhe Inteligjencën Financiare Brajan Nelson.
Akti i Departamentit të Thesarit ngrin çdo pasuri që i përket fondacionit në SHBA dhe në përgjithësi i ndalon amerikanët të bashkëpunojnë me të. Ata që ndërmarrin transaksione të caktuara me fondacionin rrezikojnë gjithashtu sanksione.
Ayatollah Ruhollah Khomeini asokohe udhëheqësit i Iranit, lëshoi 33 vjet më parë një dekret fetar ku i bënte thirrje myslimanëve të vrisnin zotin Rushdie pak muaj pas publikimit të romanin e tij të katërt, “Vargjet Satanike”, për të cilin disa myslimanë thanë se përmbante pjesë blasfemuese.
Zoti Rushdie, i cili ka lindur në Indi, në një familje myslimane në Kashmir, i është dashur të jetojë për dekada në rrezik për jetën, për shkak të shpërblimit për kokën e tij. Ai jetoi duke u fshehur për nëntë vjet nën mbrojtjen e policisë britanike./VOA
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45
