Nënkryetari i grupit parlamentar të partisë CDU/CSU në Bundestag ka thënë në një intervistë për DW se kriza në Shqipëri mund të gjejë zgjidhje edhe pse zhvillimi aktual është i keq. Ai thotë se PD duhet të marrë pjesë në proceset politike dhe se Shqipëria nuk mund të afrohet në BE nëse forcat poltike janë në konflikt me njëra-tjetrën.
Johann David Wadephul thotë se kush kalon portën për të dalë jashtë duhet ta kalojë sërish atë për të hyrë brenda pasi demokraci do të thotë komunikim por edhe aftësi për komunikim, duke iu referuar daljes se PD nga parlamenti
Shqipëria është momentalisht në një krizë ku është përfshirë edhe partia simotër e partisë suaj, PD-ja. A shihni ndonjë mundësi për ta zgjidhur krizën?
Zgjidhje ka gjithmonë. Zhvillimi aktual është i keq. Është problematike që PD-ja nuk mund të marrë pjesë në parlament me deputetët që janë zgjedhur në të vërtetë. Dikur ajo duhet të guxojë një fillim të ri. Unë besoj se është e rëndësishme që Shqipëria të gjejë veten. Prandaj u them partive pro-europiane që të arrijnë kompromise në nivel kombëtar dhe të vijnë së bashku në Evropë.
Mos është ky një apel për kolegët e partisë simotër, pra, për Bashën, që ai të marrë pjesë në zgjedhjet lokale?
Nuk do të dëshiroja të ndërhyja në raportet personale të PD-së në Shqipëri. Por dëshiroj ta inkurajoj atë të marrë pjesë në proceset politike. Ne nuk mund ta sjellim Shqipërinë në Bashkimin Evropian nëse forcat pro-evropiane qofshin ato pro-Rama, qofshin pro-Basha, janë në konflikt me njëra-tjetrën. Duhet bërë një afrim në një farë mënyre. Sesi do të arrihet kjo, kjo do të vendoset në Shqipëri. Unë mund të them në drejtim të partisë simotër: mos u mbyllni përgjithmonë: Kush kalon portën për të dalë jashtë, duhet ta kalojë atë sërish për të hyrë brenda. Demokraci do të thotë komunikim, grindje, por edhe aftësi për kompromis. Pa kompromis nuk ka demokraci.
Lajme të tjera
-
Vendimi i Bundestagut gjerman: Zgjatet mandati i forcave të armatosura gjermane në Kosovë, ende gjendja është e paqëndrueshme
8 Korrik 2022, 15:18 -
Deputeti i CDU kritikon Scholz, pasi deklaraoi që Serbia duhet të njohë Kosovën: Deklaratë amatoreske e kancelarit në Beograd
23 Qershor 2022, 09:27 -
Deutsche Welle: Grushti i Angela Merkelit kundër 'babait' të saj politik
22 Tetor 2021, 10:52 -
Deutsche Welle: Kush do të qeverisë në Gjermani?
4 Tetor 2021, 20:03 -
Zgjedhjet në Gjermani, liberalët dhe të Gjelbrit thelbësor në krijimin e koalicionit të ri! Çfarë i ndan dhe i bashkon këto dy parti?
28 Shtator 2021, 09:48 -
Fushata zgjedhore në Gjermani futet në javën e fundit, garë shumë e ngushtë mes kandidatëve
19 Shtator 2021, 17:18 -
Sondazhet në Gjermani surprizojnë, partia e Merkel forcë e dytë! Nëse votohej sot fitonin ‘Të Gjelbrit’
8 Maj 2021, 16:50 -
Rishfaqet në krah të Berishës këshilltari i rremë i Merkelit që kancelarja as nuk e njeh
21 Shkurt 2020, 13:18
