Washginton Post shitet për
250 milionë $, e blen  Jeff Bezos

NEW JORK- Nëpërmjet një njoftimi të papritur Washington Post deklaroi të hënën (5 gusht 2013) se është shitur për 250 milionë dollarë. Blerësi është miliarderi Jeff Bezos, themeluesi dhe pronari i faqes online Amazon.com, ku bëhen shitje me pakicë.

Botuesja Katharine Weymouth bëri të ditur njoftimin në një takim me stafin e gazetës, një njoftim i cili shokoi edhe vëzhguesit më të thellë të industrisë së medias.

Marrëveshja për të shitur një nga gazetat e njohura amerikane i jep fund kontrollit 80 vjeçar nga familja Graham. e cila e bëri histori me investigime si ai i Watergate në 1972. 

Marrëveshja ishte kryer në fshehtësi të plotë sa vetë gazetarët investigativë janë zënë në befasi kur Washington Post publikoi në faqen e saj njoftimin e shitjes.

Bezos pasuria e të cilit arrin në 23. 2 miliardë dollarë ka marrë dhe titujt e tjetër, që ishin pronë e Washington Post Co, si Express newspaper, The Gazette Newspapers, Southern Maryland Newspapers, Fairfax County Times, El Tiempo Latino dhe Greater Washington Publishing. Nuk janë shitur Slate dhe The Root.

Donald Graham, drejtori ekzekutiv i Washington Post Co tha në një deklaratë se ekonomia e industrisë së printit i detyroi të marrin këtë vendim.  Kompania u përball me beteja të forta në vitet e fundit, ndërsa në tre mujorin e parë të 2013 kjo gazetë humbi 49.3 milionë dollarë.

Shifra e shitjes 250 milionë dollarë është shumë më e vogël për një institucion të tillë legjendar- është vetëm 1 % e pasurisë gati 23 miliardë dollarë e themeluesit të Amazon.com.  



(Foto: Jeff Bezos)

Redaksia online
(sg/shqiptarja.com)