Washington/ Robert O’Brien dhe Richard Grenell nisin sot bisedimet dypalëshe me delegacionin e Kosovës dhe Serbisë

Washington/ Robert O’Brien dhe Richard Grenell nisin sot bisedimet dypalëshe me delegacionin e Kosovës dhe Serbisë

Nisin sot në Uashington takimet dypalëshe mes delegacionit të Kosovës dhe keshilltarit amerikan për siguri, Robert O’Brien dhe Richard Grenell.

Ky takim i paraprinë takimit tripalësh të 4 shtatorit edhe me delegacionin serb ku në qendër të diskutimeve do të jetë dialogu Prishtinë-Beograd. 

Grenell para takimit me anë të një postimi në twitter u shpreh se populli kosovar dhe ai serb meritojnë të kenë normalizim të marrëdhënieve ekonomike.

Ai theksoi se është i fokusuar te të rinjtë që duan të kenë një karrierë të mirë, një punë dhe lidhje me Perëndimin.

Menjëherë pas tij ka reaguar edhe presidenti i Kosovës Hashim Thaci i cili ka falenderuar SHBA-në, presidentin amerikan Trump dhe emisarin e tij Richard Grenell, pasi kanë arritur të bëjnë bashkë delegacionin e Kosovës dhe Serbisë, në përpjekje për të arritur dialogun.

Ndërkohë Kryeministri i Kosovës, Avdullah Hoti, ka thënë se njohja reciproke Kosovë-Serbi është zgjidhja e vetme në marrëveshjen finale dhe nuk do të ketë diskutime për ndërrim kufijsh.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet