Wikileaks: Ben Blushi tentoi të
rrëzonte Ramën që në 2009-n

Disa kabllogramë të “Wikileaks” tregojnë se si Ben Blushi tentoi të përfitonte nga humbja në zgjedhjet e përgjithshme të vitit 2009, për të marrë pushtetin brenda Partisë Socialiste.

Kabllogramet janë raportime që Ambasada Amerikane në Tiranë i bën Departamentit të Shtetit, të hakuara nga faqja e krijuar prej Julian Assange. Duke iu referuar burimeve mediatike, dy kabllogramet me numër 090928 dhe 091001 analizojnë situatën e krijuar pas zgjedhjeve të 2009-s.

Në kabllogramin e parë, përshkruhet pozicioni i Blushit, i cili doli kundër vijës së partisë për parregullsinë e zgjedhjeve, duke sulmuar Edi Ramën si fajtorin e vetëm të humbjes. Për këtë arsye, “ish-Ministri i Arsimit paraqiti një rezolutë brenda partisë, në të cilën kërkohej largimi i kryetarit të Partisë”, shkruan kabllogrami.

Dokumenti i dytë informon se si “jo të gjithë brenda Partisë Socialiste bien dakord që zgjedhjet janë vjedhur”. i njëjti raportin shton: “Një grup deputetësh, të drejtuar nga ish-ministrat Ben Blushi dhe Arben Malaj kanë kontestuar bojkotin, duke vënë në pikëpyetje lidershipin e Edi Ramës”.

Pavarësisht qëndrimit të kundërt pas atyre zgjedhjeve, marrëdhëniet midis Ben Blushi dhe Edi Ramës u përmirësuan pak kohë më pas, për t’u keqësuar sërish pas zgjedhjeve të 2013-s. Raporti midis ish-dy miqve degradoi në mënyrë të vazhdueshme gjatë drejtimit të Partisë Socialiste, deri në largimin përfundimtar të Ben Blushit nga PS, për të krijuar një parti personale më parë gjatë 2016-s./Lexo.al

Redaksia Online
AL.N/Shqiptarja.com