Wislet rikthehet tek Titaniku

Kate Winslet do të rikthehet përsëri në anijen e Titanikut pas 15 vjetësh, por me ndryshimin se këtë herë do të jetë në bordin e anijes së vërtetë . Miliarderi Richard Branson i cili është një fans i devotshëm i aktores, ka ofruar të paguajë një nëndetëse për t’a dërguar atë në thellësinë prej 3 mijë metrash në Oqeanin Atlantik.
“E kam shumë seriozisht dhe kam ftuar Kate që të më shoqërojë në këtë udhëtim. A nuk do të ishte diçka e mrekullueshme që të dërgoje yllin e Titankut në anijen e vërtetë. Jam i sigurt që ajo nuk do ta humbë këtë rast”.-tha Branson. Bileta për të shkuar deri në thellësinë ku gjendet anija kushton rreth 38 mijë stërlina për person.