Wollfarth-Llallës: Kopsitni mirë
dosjet e zyrtarëve të korruptua

TIRANE- Lufta kundër krimit të organizuar dhe korrupsionit, si dhe roli thelbësor i Prokurorisë së Përgjithshme në forcimin e shtetit të së drejtës janë dy çështjet kryesore të cilat u disktuan mes ambasadorit të OSBE-së Eugen Wollfarth dhe Prokurorit të Përgjithshëm Adriatik Llalla.

Takimi zhvillua paraditen e sotme për gati 30 minuta në Prokurorinë e Përgjithshme dhe përfundoi pa asnjë deklaratë për gazetarët e vendosur para derës së prokurorisë për të pasqyruar takimin.

Pak kohë më vonë zyra e shtypit e OSBE-së bëri të qartë qëllimin e takimit:

“Lufta kundër krimit të organizuar, përfshirë krimin ndërkufitar, si edhe kundër korrupsionit, është parësore në sigurimin e stabilitetit në vend, në rajon dhe në nivel global”, tha Wollfarth. “Dhënia e vendimeve të mirëarsyetuara e të përshtatshme, në rastet e korrupsionit të zyrtarëve të lartë, do të ishte një masë pozitive të dëshmuar vendosmëri politike dhe për të kthyer besimin e publikut te gjyqësori”- thuhet në njoftimin për shtyp të OSBE-së.

Wollfarth siguroi Llallën se Prezenca e OSBE-së, në kuadër të qëllimit të saj kryesor për të promovuar shtetin e së drejtës, të drejtat e njeriut dhe për të konsoliduar institucionet demokratike, do të vijojë ta mbështesë dhe ndihmojë Prokurorinë e Përgjithshme.

Takimi zhvillohej ndërkohë që në Gjykatën e Tiranës do të jepeshin konkluzionet e avokatëve mbrojtës për vrasjen e 4 protestuesve të 21 janarit.
(sg/shqiptarja.com)

TAG:
• OSBE