POP 5

Lajmet më të lexuara të 5 minutave të fundit

Politikë

Xhaçka: Qytetarë, dilni në protestë me
trafikantët dhe "dhëndrrin" e SHQUP-it

Partia Socialiste i ka bërë një “kundërofertë” qytetarëve shqiptarë, të ftuar nga PD-ja për të dalë në protesta kundër trafikut të drogës. Deputetja Olta Xhaçkaka dalë me thirrjen, që iu bie ndesh demokratëve.
Xhaçka: Qytetarë, dilni në protestë me<br />trafikantët dhe "dhëndrrin" e SHQUP-it
TIRANË – Partia Socialiste i ka bërë një “kundërofertë” qytetarëve shqiptarë, të ftuar nga PD-ja për të dalë në protesta kundër trafikut të drogës.

Deputetja Olta Xhaçka, nga selia e PS-së ka dalë me thirrjen, që iu bie ndesh demokratëve të drejtuar nga Basha e të cilën po e citojmë:

“Qytetarë dilni në protestë dhe mbështesni ata që ngritën bastionin e drogës në Lazarat, linjat e drogës në tokë, det e mesa duket edhe ajër!

Dilni në protestë dhe mbështesni ata që hapën kanalet e kontrabandës së naftës dhe cigares, e që sot janë të tronditur të shkretët se në Shqipëri nuk hyjnë dot më vaporë kontrabandë duke paguar djalin e Kryeministrit apo krushkun e ministrit të financave!”

Xhaçka nuk ka nguruar të përmendë edhe aktorë të tjerë, që janë bërë pjesë e fushatës së PD-së kundër Qeverisë dhe Kryeministrit Rama:

“Dilni në protestë qytetarë dhe bashkohuni me pronarë lajmesh e gazetash që janë mësuar të mos paguajnë taksa, të zaptojnë toka, të ndërtojnë 6 kate me leje e 10 kate pa leje në mes të Tiranës me bekimin e kryetarit vulëhumbur të bashkisë!

Dilni në protestë, o burra, që të gjithë,”- theksoi ajo, - “tani që po presim statusin e vendit kandidat për Shqipërinë, sepse Gjermania, Italia, Greqia, mbarë Europa janë shumë të shqetësuar me Policinë e Shtetit tonë po kanë frikë ta thonë vetë dhe ia kanë lëne  dhëndrit sypatrembur të SHQUP-it ta thotë bashkë me dasmorët trima të ish-Shtëpisë së Oficerëve!”

Redaksia online
(ar.sh/Shqiptarja.com)
 

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51