POP 5

Lajmet më të lexuara të 5 minutave të fundit

Arkiva

Yatsenuk Rusisë: Ndalo terrorin në 
Ukrainë, mund ta zgjidhim krizën

Kryeministri ukrainas, Arseny Yatsenyuk, gjatë një vizite që zhvilloi në Gjermani, i bëri thirrje Rusisë të bllokonte kufirin me Ukrainën dhe të ndalonte “terroristët” që kalonin në territorin e vendit të tij. Yatsenyuk tha se Kievi mund ta zgjidhte krizën brenda një jave, nëse Moska nuk do të ndërhynte
Yatsenuk Rusisë: Ndalo terrorin në <br />Ukrainë, mund ta zgjidhim krizën
UKRAINE - Kryeministri ukrainas, Arseny Yatsenyuk, gjatë një vizite që zhvilloi në Gjermani, i bëri thirrje Rusisë të bllokonte kufirin me Ukrainën dhe të ndalonte “terroristët” që kalonin në territorin e vendit të tij. Yatsenyuk tha se Kievi mund ta zgjidhte krizën brenda një jave, nëse Moska nuk do të ndërhynte. 

Një numër kamionësh të mbushur me municione dhe luftëtarë të trajnuar rusë kanë kaluar kufirin nga Rusia në Ukrainë, bëri të ditur kryeministri Yatsenyuk. Sipas tij situata në lindje po përkeqësohej dhe përfshirja e Rusisë po shkaktonte vështirësi të mëdha. Nga ana tjetër ministri i Jashtëm rus, Sergei Lavrov, paralajmëroi se politikat e Kievit po e çonin Ukrainën drejt një lufte vëllavrasëse.

Ndërsa në takimin mes kryeministrave të Ukrainës, Moldavisë, Gjeorgjisë dhe kancelares Angela Merkel, shqetësimit të kësaj të fundit lidhur me fatin e vëzhguesve të OSBE që u ndaluan ditën e hënë pranë Donetskut, kryeministri Yatsenyuk iu përgjigj se kishin arritur të rivendosnin kontaktet me ta, por u shpreh se mbaheshin ende nga separatistët dhe fati i tyre ishte e paqartë. 

Ndërkohë prorusët në një deklaratë të fundit pranuan se kishin ndaluar 4 monitorues ndërkombëtare dhe u shprehën se do t’i lironin së shpejti pasi të sqaronin se kush ishin, për ku ishin nisur dhe me çfarë qëllimi.
 
Redaksia Online
(Gre.M/F.I/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK në Elbasan/ Detaje të reja, kontrolle edhe në banesat e dy ish-prokurorëve

Operacioni i SPAK në Elbasan/ Detaje të reja, kontrolle edhe në banesat e dy ish-prokurorëve

25 Nëntor, 15:26