POP 5

Lajmet më të lexuara të 5 minutave të fundit

Politikë

Ylli Manjani: Rama fitoi bastin,
por nuk mund t’i uroj dot suksese

Ish-ministri i Drejtësisë, Ylli Manjani i njohur si kritik i ashpër i kryeministrit përmes një statusi në faqen e tij në Facebook shprehet se Rama e fitoi bastin, por nuk mund t’i uroj dot suksese.
Ish-ministri i Drejtësisë, Ylli Manjani i njohur si kritik i ashpër i kryeministrit përmes një statusi në faqen e tij në Facebook shprehet se Rama e fitoi bastin, por nuk mund t’i uroj dot suksese.
 
Manjani thotë se tashmë Rama e ka për vete të gjithë tepsinë, ndërsa e ardhmja sipas tij nuk dihet.
 
Ai shton se kundërshtarët e Ramës duhet tē kërkojnë arsyet e kësaj gjendje tek vetja dhe jo tek të tjerët, pasi e sigurt është që fituesi kishte strategji më të mirë.
 
“Basti i fituar. Ky është i pari bast që fitoi Edi Rama. Disa ditë më parë shkruajta që "nëse e fiton këtë bast, ta gëzojë Shqipërinë"!
 
Sot e përsëris: Ta gëzojë Shqipërinë! Sukses nuk i uroj dot, sepse nuk fitoi zgjedhjet, por bastin!
 
Nuk fitoi programi, por barcoleta! Nuk e fitoi kryeministrinë, por i mbeti në dorë!
 
Ai donte të qeveriste vetëm, ja ku ja arriti kësaj dite! E ka të gjithë tepsinë për vete! Ta hajë deri sa të fryhet!
 
E ardhmja?! Nuk e di! Askush se di! Dyshimet janë stërmunduese! Nuk pritet gjë e mirë! Idetë e rrezikshme të tij mbi demokracinë, liritë dhe sundimin e ligjit, vështirë të kenë pengesa!
 
Shteti do jetë krejt në dorë të tij! Nuk ka më asnjë alibi që dikush po e pengon!
 
Sa për blerjen e votave: jam i bindur që janë blerë! Me para në dorë dhe relativisht masivisht! Kanabis solli potencial te madh financiar!
 
Por, fajin më së pari e ka ai që e shet votën! "Shitësi" i votës është shitësi i demokracisë. Ky është rregulli bazë i llogjikës. Të tjerat janë stërhollime politike e ligjore!
 
Kundërshtarët e Ramës duhet tē kërkojnë arsyet e kësaj gjendje tek vetja dhe jo tek të tjerët. E sigurt është që fituesi kishte strategji më të mirë” thotë ndër të tjera Manjani.
 
 dy.b/shqiptarja.com

/Shqiptarja.com
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Viti i Ri/ 25 persona në urgjencën e Vlorës, shkak konsumimi i alkoolit dhe dëmtimi nga fishekzjarret

Viti i Ri/ 25 persona në urgjencën e Vlorës, shkak konsumimi i alkoolit dhe dëmtimi nga fishekzjarret

1 Janar, 09:58 nga Armand Xhelili