Mbrëmë nuk ishte e diel, ku zakonisht në televizione janë emisionet humoristike, që bëjnë për të qeshur përgjithësisht me parodi e skeçe me politikanë.
Ishte e hënë, ku Adriatik Llalla, ish-kryeprokurori i dënuar për korrupsion, të cilit ju edhe sekuestrua pasuria e paluajtshme, dha realisht skeçin më të këndshëm prej kohësh.
Performanca e drunjtë e Llallës që ngjan me një personazh abstrakt të trios milaneze: Aldo, Giovani e Giacomo u shpërfaq para “Pim Çekës”-parodisë së Portokallisë, në një gallatë vërtetë lineare.
Avokat Ngjela ka një aksiomë kur thotë se i akuzuari është në një gjendje aq të rëndë psikologjike, sa nuk mund të flasë vetë pasi nxjerr vetëm broçkulla, ndaj i duhet mbrojtësi ligjor.
Llalla fatkeqësisht nuk e kishte në krah Sokol Hazizajn, avokatin e tij, ndaj dhe ngjante dje si një personazh i këndit televiziv delirues “Rrethi Katror”.
E sipas Llallës, Inxhinier Rex Tillerson, një nga specialistët dhe drejtuesit më të fuqishëm të industrisë së hidrokarbbureve në botë, që u bë deri dhe CEO i Exon Mobile, kompanisë lider që është në majën e botës për tregun e energjisë, e më pas u emërua Sekretari i Shteit të SHBA, ka ndëshkuar një jurist me arsim të cunguar që u bë kryeprokuror për të mbrojtur Sali Berishën e Ilir Metën, për interesa të ca puseve në Marinëz.
Megjithatë, Llalla, gjatë intervistës në televizionin e familjes Berisha, ka avancuar në delirimin e tij, edhe në fazë që normalisht duhet të përgjigjet për dëshmi të rremë, apo për shpifje. Ai tha se Romana Vlahutin, i ka kërkuar që të arrestojë Sali Berishën, duke ndjekur shembullin e Ivo Sananderit. Sipas të gjitha gjasave, logjikës, apo etikës e çdo diplomati, deklarata e Adriatik Llallës është një gënjeshtër e pastër, tipike siç flet Berisha. Nuk ka mundësi, e logjikë që një ambasador e Bashkimit Europian t’i ketë kërkuar Llallës kë të arrestojë.
Ajo që është sipas të gjitha gjasave e vërtetë, është se ambasadorja Vlahutin ka folur me hollësi për precedentin Sanander, gjë që e ka bërë edhe në publik. Madje ka sjellë në Tiranë edhe kreun e Prokurorisë Speciale të Kroacisë, USKOK, Dinko Civitan, homologia e SPAK-ut shqiptar.
Të gjitha qëndrimet e tjera janë dokrra dhe nuk kanë asnjë bazë. Adriatik Llalla hyri në përplasje me SHBA dhe BE kur degdisi që në vitin 2015 grupin e prokurorëve tëe trajnuar në SHBA, që nuk i dekretoi as Nishani.
Më pas Llalla pas miratimit të Reformës në Drejtësi, tentoi ta sabotojë atë nëpërmjet manipulimit të Këshillit të Emërimeve në Drejtësi. E këtu pati edhe përplasjen fatale, ku SHBA mori qëndrimin e saj.
Pastaj, kur Llalla përmend emra të përveçëm, pra gazetarë që kanë influencuar me shkrimet e tyre në DASH, është shumë më keq se Alfred Cako. Ai është thjesht një i goditur rëndë në psikikën e tij, pas dënimit dhe sekuestrimit të pasurisë, e natyrisht ka folur, pasi ka frikën që ky dënim do të vijë të rritet, ngaqë mund ta nxjerrë bashkëpunëtor në pengimin e hetimeve edhe më të rëndësishme ndaj zyrtarëve të lartë në vend.
Megjithatë, një krim penal Llalla duket e ka bërë me dashje në intervistën e tij, por që mendon që nëpërmjet asaj të quhet martir. Një martir që u bë hajdut, apo një hajdut i martirizuar…/ Gazeta "Tema".
Komente
Lajme të tjera
-
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Ylli Pata: Kush ka faj për tragjedinë e 'Fan Nolit'?!
19 Nëntor, 20:56
-
Ylli Pata: Buxheti, debati 'normal' në kohë anormale
18 Nëntor, 23:01
-
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Ylli Pata: Shndërrimi dramatik i partisë së Berishës në një OJF
14 Nëntor, 21:21
-
‘Opozita ‘luftën’ duhet ta ketë me Ramën, jo me Dumanin’, Vokshi në Report Tv: Heqja ‘non grata’ e Berishës, përrallë e pabesueshme! Kthupi: PD parti në funksion të kryetarit të saj
14 Nëntor, 18:16 -
Ylli Pata: E ardhmja e opozitës përballë një holograme!
13 Nëntor, 22:43
-
‘Non grata’ e Berishës nga SHBA, Halit Valteri në Report Tv: Ka filluar në administratën e Trump! Meta i vdekur politikisht! Toska: Po akuzohet si hajdut pa fakte
13 Nëntor, 18:30 -
Ylli Pata: Pse PD ka frikë nga fjala e Ilir Beqajt?!
12 Nëntor, 18:19
-
Ylli Pata: Non grata e Berishës, pse ishte shans për opozitën?!
11 Nëntor, 19:51
dmth shoku uylli,duhet me te besuy ty e jho llales se ti je lehesi i rames
PërgjigjuO veni! Jetojme ne demokraci dhe cdokush ka te drejte te komentoje si te doje! Por nje gjysemanalfabet, si ty nuk duhet. Meso shkrim e kendim me pare!
Jo mor shoku,mos i beso Yllit, se Ylli eshte gazetar,pa prona,pa pasuri. Besoji Llalles qe eshte i pakorruptuar. Nje fshat qe ka blere e ka blere me parate e mareve te Gramshit dhe me shgat e egra qe ia shiste tezja. Zgjidh vete se cilit i beson !