POP 5

Lajmet më të lexuara të 5 minutave të fundit

Opinion

Ylli Pata: Akti i Alibeajt, para skadimit të 6 muajve të Berishës: A do kthehen tymueset në Kuvend?

Më 30 qershor, Parlamenti do të duhet të komunikojë skadimin e mandatit të Sali Berishës, si pasojë e mungesës 6 muaj në Kuvend. Skadim, që pati si precedent të fundit rastin Ahmetaj, i cili u zëvendësua pasi shkeli afatin e paraqitjes, si pasojë e largimit nga Shqipëria

Ylli Pata: Akti i Alibeajt, para skadimit të 6 muajve të Berishës: A do kthehen tymueset në Kuvend?

Alibeaj dhe Berisha

Menjëherë pas vendimit të Apelit që i dha vulën Sali Berishës, një pjesë prej deputetëve që Lul Basha i dha poste të larta, shpallen se do të shkojnë me Sali Berishën.

Ndërkaq, që në seancën e radhës të Kuvendit, pritet që të nisin procedurat për të kaluar të gjithë nishanet procedurale nën urdhrat e Gaz Bardhit. E sipas gjasave, edhe deputetë të tjerë që nuk kanë qenë as mish e as peshk, të vendosin për të qëndruar me Sali Berishën.

Ndërkaq, akti i sotëm i Enkelejd Alibeajt, i cili deri tani është zyrtarisht kreu i grupit parlamentar të PD-së i njohur nga Kuvendi, ishte më shumë një qëndrim politik, sesa një procedurë administrative.

Madje i qartë fare. Alibeaj, dhe çdo deputet tjetër i opozitës është i akredituar që në fillim të legjislaturës. Lëvizja e grupeve, do të ribëhet në fillim të muajit shtator, pas pushimeve të verës.

Kështu, që administrativisht vendimi i vulës nuk se ka reperkursion për deputetët e PD-së që janë sot të regjistruar në grup. i vetmi reperkursion është marrja e zyrës nga Gaz Bardhi, por edhe kjo nuk është kaq e thjeshtë. Pasi, Bardhi, për të treguar se është kryetar i grupit të PD-së që ka vulën, duhet të paraqesë një vendim politik të strukturave të partisë. Me një fjalë, do të duhet të kalojë nga firma e vula e doktorit. i cili, sipas të gjitha gjasave, nga e hëna do të ndezë Kuvendin, pasi në krye të axhendës është skadimi i afatit të tij si deputet.

Pikërisht më 30 qershor, Parlamenti do të duhet të komunikojë skadimin e mandatit të Sali Berishës, si pasojë e mungesës 6 muaj në Kuvend. Skadim, që pati si precedent të fundit rastin Ahmetaj, i cili u zëvendësua pasi shkeli afatin e paraqitjes, si pasojë e largimit nga Shqipëria.

Njerëzit pranë Sali Berishës, pritet të mbrojnë argumentin që mosparaqitja e tij ka ndodhur me arsye, si pasojë e vendimit të Gjykatës kundër Krimit të Organizuar dhe Korrupsionit për të vendosur arrest shtëpie.

Sipas gjasave, kjo çështje pritet të kthehet në gugule qëndrimesh në mbledhje të Kuvendit, KQZ-së, e ndoshta do të shkojë edhe në Kushtetuese. Duke u kthyer në telenovelën e radhës pas vulës.

Ndërkaq, akti i Enkelejd Alibeajt, është një rreshtim i pastër politik, ku qartë u kërkon kolegëve të tij në Kuvend që të deklarojnë se më kë janë. E këtë duhet ta thonë pas tij, si njeriu që ka drejtuar deri tani grupin, e ka çuar në Apel ankimimin për vulën.

A do t’i shkojë kush prapa përveç Lul Bashës? Ndërkaq, ana tjetër e ka axhendën e zënë. Nesër do të djegë goma para bashkisë, për të nisur shantazhin e madh për vulën numër dy të doktorit, e cila nuk është çudi që të kthejë bombat tymuese në Kuvend. Që nga dita e hënë…/ Tema

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46