Letra e qeverisë së Madhërisë së saj, Mbretëreshës Elizabet, siç i pëlqen Sali Berishës ta thërrasë Britaninë e Madhe, nuk ishte në fakt për të.
Edhe pse ishte shumë më e egër, më e rëndë sesa shpjegimi që qeveria e Shteteve të Bashkuara të Amerikës, përkatësisht Departamenti i Shtetit kishte shkruar për vendimin për ta shpallur Non Grata për korrupsion të rëndësishëm, minim të demokracisë dhe pengim të drejtësisë.
Letra e qeverisë britanike shkonte edhe më tej, duke përmendur lidhjet direkte dhe vertikale të Sali Berishës me struktura të egra të krimit të organizuar në Shqipëri dhe në Mbretërinë e Bashkuar.
Megjithatë, pas shpalljes Non Grata nga SHBA, Sali Berisha ishte njësoj i dënuar nga të gjithë aleatët e ngushtë të Fuqisë më të madhe botërore perëndimore. Ai dhe familja e tij nuk ka mundur dhe nuk ka udhëtuar në asnjë prej shtatë vendet më të industrializuara të botës pas19 majit 2021. Pasi sipas të gjitha gjasave nuk do të lejohej, apo do të kishte komplikime të tjera.
Vendimi i marrë si avancim nga Londra zyrtare, e cila ashtu si SHBA ka një të dërguar special për Ballkanin Perëndimor, ishte realisht i pritshëm, i paralajmëruar.
Megjithatë, letra për Berishën është dukshëm një sinjal, një mesazh një qëndrim politik, i cili nuk i drejtohet atyre që janë pjesë e establishmentit të njeriut të ndëshkuar, por mendjeve që mund të logjikojnë të lirë në opozitën dhe Partinë Demokratike.
Shikoni vetëm reagimet e njerëzve pranë Berishës për të parë nivelin real të logjikës jo politike, por bazike mentale. Ata thonë se Britania e Madhe e ka marrë vendimin sepse është “zagare” e Uashingtonit. Pra për ta, nuk ka institucione por vetëm grupe, nuk ka qeveri, por vetëm klane, nuk ka organe por vetëm “fise” që reagojnë pa asnjë lloj logjike.
Sali Berisha nuk ka asnjë logjikë politike që të mbijetojë si subjekt, apo edhe si aktor politik. Këtë e di ai më shumë se të tjerët me përvojën dhe sinjalet që ka marrë. Megjithatë, doktori në të gjithë këtë lëvizje që ka ndërmarrë prej një viti, ka dashur tu thojë grupeve të interesit apo edhe aktorëve të tjerë të opozitës, se ai është i gatshëm që t’i ndihmojë, tu hapë derën për karrierë në radhët e opozitës shqiptare, siç ka bërë për Lulzim Bashën, apo edhe të tjerë si Jozefina Topalli, apo edhe politikanë si Arben Imami që i “fali” duke u dhënë një pjesë të madhe pushteti, e të tjerë.
E pikërisht ky aspekt ka funksionuar realisht pas 9 shtatorit, kur Sali Berisha e fshehu betejën e tij kudnër SHBA me atë ndaj Lulzim Bashës. Shum ëish funksionarë apo njerëz të lidhur në një farë mënyre me PD-në, port ë lënë anash, apo edhe ish bashkëpunëtorë të Edi Ramës që tani e urrejnë atë, menduan ta përdorin Sali Berishën si një instrument për karrierën e tyre.
Kjo tregon se të gjithë këto aktorë e subjekte nuk kanë mësuar asgjë nga jeta politike e “doktorit”. Edhe sikur Sali Berisha të ishte në ditën më të mirë të tij, do t’i hidhte si lëvoret e limonit të shtrydhur të gjithë ata që sipas tij nuk janë të devotshëm por kanë ego dhe ambicje për karrierë. E mbani mend qeverinë e vitit 1992; nuk u emërua asnjëri prej udhëheqësve të parë të PD-së, por thjesht persona që Berisha i konsideronte si “të padëshëm”. E në momentin që “të padëmshmit” reagonin- i largonte madje edhe i kërcënonte për arrestim siç ka ndodhur që nga Genc Ruli e Rexhep Uka e deri të Ilir Rusmali.
Qëndrimi i qeverisë së Britanisë së Madhe është një mundësi e madhe për të gjithë ata që nuk e konsiderojnë veten apo grupin e tyre politik që janë angazhuar “të lidhur me krimin e organizuar dhe korrupsion të rëndësishëm, minim të demokracisë dhe pengim të drejtësisë”. A kush e trajton këtë çështje si pamfletet e para vitit 90, ku Londrën e quajnë “vasale” të SHBA e gjëra të tilla, pastaj natyrisht kjo nuk është për debat, edhe sikur të diskutohet në panelet e darkës. Është thjesht një diskutim mejhaneje lagjeje, të cilat herë pas here edhe ja kalojnë analistëve të së enjtes mbrëma…
Komente
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
A eshte dhe shpallja non grata e Saliut subal per SPAK mbas largimit te zotit Kraja ,qe deri tani nuk ka hapur asnje disje ku akuzohet non grata e perendimit ?
PërgjigjuNON GRATA berisha eshte sinjal sinjifikativ jo vetem per pd,por per tere figurat e urryera te korruptuara te politikes shqiptare dhe te ashtuquajturat forca politike qe kane perfaqsuar e perfaqsojne.
Përgjigju