POP 5

Lajmet më të lexuara të 5 minutave të fundit

Opinion

Ylli Pata: Opa-Soma mu, profili i një 'partie patriote'

Ilir Meta, është pak më i qarti se ka profilizuar se partia e tij, përkatësisht ajo e Lirisë, nuk do të garojë si euroatlantiste, pra me NATO-n e BE-në, por patriotike. Kështu tha edhe sot para tunelit të Porto Palermos, kur bëri homazh ndaj marinarëve të nëndetëses 105. Të cilët, “pika e tij e dobët-doktori” i çoi për lesh kur erdhi në pushtet.

Ylli Pata: Opa-Soma mu, profili i një 'partie patriote'

Ylli Manjani duke kërcyer dhe Ilir Meta

Ka shpesh përleshje komentuesish se cili nga ofiqarët e lartë ka qenë më patriot se tjetri: Zogu, apo Enveri, Saliu apo Edi, e kjo ndodh në të vetmen plaftormë ku komentet lejohen: anonim të lutem. Përkatësisht Gazeta TemA.

Po përtej përleshjes virtuale që në një pjesë është shfrim, e në një pjesë kompeticion politik, çështja këtu është politike.

Pas viteve e vite retorike me spondë kundër SHBA e BE, dy vitet e fundit, gjithçka doli hapur. Nga e hëna në të premte, ekranet janë mbushur me sherifat që shajnë me nënë e motër ambasadorët e SHBA e BE.

Si për të profilizuar në publik e për te nxehur “grigjën” besimtare për qejf, inat apo edhe nishan. Ndërkaq, tashmë nuk ka kohë dhe në zgjedhjet e ardhshme parlamentare po konturohen se kush janë partitë në garë. Jo thjesht me emër, por edhe profil dhe koncept. Edi Rama dihet, do mandatin e katërt. Sali Berisha dihet, kërkon që të rrëzojë Edi Ramën e të vërë një kryeministër tjetër, por që do ta caktojë më vonë.

Ndërsa Ilir Meta, është pak më i qarti se ka profilizuar se partia e tij, përkatësisht ajo e Lirisë, nuk do të garojë si euroatlantiste, pra me NATO-n e BE-në, por patriotike.

Kështu tha edhe sot para tunelit të Porto Palermos, kur bëri homazh ndaj marinarëve të nëndetëses 105. Të cilët, “pika e tij e dobët-doktori” i çoi për lesh kur erdhi në pushtet.

Por, duket se “patriotët e rinj” nuk se janë nacionalistë të çartur, jo. Ata thjesht janë kundër SHBA dhe BE-së, por jo kundër Greqisë për shembull. Jo thjesht se Ylli Manjani shan Amerikën te Erla gjithë vitin e në pushime kërcen Soma mu-e i fut një Opa në fund, por edhe Fatos Lubonja është i një linje.

Linjës që e ka treguar në ERT, ku i kërkoi qeverisë së Athinës që të rrëzonin diktaturën aktuale e të na sjellin patriotët e rinj që hanë saganaqi e kërcejnë somamu./TemA

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • papahoxhaj: 26/08/2024 22:49

    do arlekina politik, do deshtaka pa vizion, do kllouna ne agoni!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46