POP 5

Lajmet më të lexuara të 5 minutave të fundit

Opinion

Ylli Pata: Përsëritja e fabulës së ambasadorit që kërkon arrestimin e Berishës

Deklarata e Sali Berishës te Arjan Çani, se ambasadorja amerikane ka kërkuar arrestimin e tij, tashmë nuk përbën më një obsesion apo mankth personal i tij. Dukshëm kemi të bëjmë me një lëvizje politike, e cila ka një synim të caktuar, për faktin se nuk bëhet për herë të parë.

Ylli Pata: Përsëritja e fabulës së ambasadorit që kërkon arrestimin e Berishës

Sali Berisha dhe Yuri Kim

Deklarata e Sali Berishës te Arjan Çani, se ambasadorja amerikane ka kërkuar arrestimin e tij, tashmë nuk përbën më një obsesion apo mankth personal i tij. Dukshëm kemi të bëjmë me një lëvizje politike, e cila ka një synim të caktuar, për faktin se nuk bëhet për herë të parë.

Disa vjet më parë, të njëjtën gjë Sali Berisha tha për ambasadoren e Bashkimit Europian në Tiranë, Romana Vlahutin. “I ka kërkuar Adriatik Llallës arrestimin tim”. Ndërkaq, mediat pranë Ilir Metës, po në kohën e Adriatik Llallës, përhapën një lajm që e qarkulluan gjatë, sipas të cilit, Donald Lu, ambasadori i SHBA-së, në Tiranë, i paska kërkuar arrestimin e Ilir Metës.

Ky qëndrim, tashmë permanent prej 2016-s, nuk është as déjà vu, e as një logjikë inati, por një vijë e qartë, politike. Sipas të cilës, edhe nëse Berisha, familja e tij, apo të tjerë arrestohen i kanë nga SHBA. E ky është tipik ai “qëndrimi antiamerikan”, për të cilin ka folur në intervistën e tij Gabriel Escobar.

Shpallja Non Grata i Sali Berishës dhe familjes së tij nga qeveria amerikane për korrupsion të qenësishëm, minim të demokracisë dhe pengim të drejtësisë, është një akt politik i SHBA-së. Akt, që Departamenti i Shtetit e bën në zbatim të një ligji, të famshmit 7031/C, ku nuk është vetëm ish-Presidenti e ish-kryeministri i Shqipërisë subjekt, por mijëra zyrtarë botërorë që kanë histori të ngjashme abuzimi pushteti.

Koncepti është i qartë. SHBA nuk do të bashkëpunojë me politikanë për të cilët ka fakte për korrupsion, e kjo është krejt normale dhe autonome për çdo shtet. Mirëpo fabula e “kërkesës për arrestim”, është një akt politik qartasi antiamerikan. i cili në çdo vend anëtar të botës, do të kishte qëndrimin e qartë dhe të prerë të qeverisë përkatëse.

Në Itali, prej rastit të pengmarrjes dhe vrasjes së Aldo Moros nga Brigade Rosse, është folur shumë nga qarqe të ndryshme në Itali, se vrasjen e Moros e ka dashur SHBA. Sepse Moro donte një qeveri të përbashkët me komunistët. Kjo është një teori konspiracioni, që po t’i futesh thellë zbulon se ishin sovjetikët që përfituan nga këto zëra, e aspak SHBA. 

Megjithatë, asnjë politikan, qoftë ekstrem komunist, përkatësisht deputet apo europarlamentar nuk e ka akuzuar SHBA-në. Pasi nëse do ta bënte, sipas të gjitha gjasave, qeveria italiane, si një partnere e ngushtë e SHBA, do të dilte të përgënjeshtronte akuzën, përderisa nuk ka një fakt real.

Ka fakte Sali Berisha se Donald Lu, Romana Vllahutin, apo Yuri Kim kanë kërkuar arrestimin e tij? T’i çojë në SPAK, në prokurorinë amerikane, atë europiane, por nuk ka të drejtë t’i përgojojë në media.

Berisha, mund të çmendet, por nëse Shqipëria si anëtar i NATO-s, ka një qeveri të përgjegjshme, i duhet t’i përgjigjet, e të bëjë 3 veprime: ose t’i kërkojë Berishës të japë provat e akuzës së vet, duke i dërguar para drejtësisë, ose t’i kërkojë zyrtarisht që të bëjë ndjesë publike, ose ta denoncojë për shpifje ndaj partnerit më të rëndësishëm strategjik të vendit.

Nuk ka logjikë që kjo lojë alla rrethi katror të ngrihet si një teoremë politike në Shqipëri. Pasi realisht nuk ekziston. SHBA e ka drejtuar gishtin ndaj politikanëve të korruptuar qartësisht. Edhe në rastin e Berishës. Por SPAK, sot, sidomos pas kësaj loje të Berishës i takon të ndajë gjënë: ose SHBA e ka gabim ose Sali Berisha e ka drejtë.

Gjithsesi, kjo fabul absurde nuk i prish aspak punë imazhit amerikan në Shqipëri, përveçse bën qesharak Sali Berishën. Në ditën para arrestimit, Fatos Nano, i ngarkuar emocionalisht akuzoi ambasadorin e atëhershëm të SHBA në Tiranë, William Ryerson dhe zv.ambasadorin Chris Hill se kanë ndikuar në arrestimin e tij. 

Askush nuk foli nga SHBA për vite me radhë. Kur ambasadori Hill u tërhoq nga shërbimi diplomatik, dha një intervistë për Ilva Taren, ku theksoi se kjo ishte një absurditet e la të kuptohet se ja kishte sqaruar edhe personit që e nxori, pra Nanos.

E në fakt kur e mendon, nuk ka logjikë nëse SHBA apo BE kanë një objektiv që e ndarmarrin dhe nuk e realizojnë. Merr shembull Slobodan Milosheviçin. E arrestuan brenda vitit. E këtë Berisha e di, ndaj e përdor, ka gjasa që të nxehë amerikanët e ta vënë në shënjestër. Por duket, ata thjesht duan ta lënë ashtu me maraz që harron emrat e bashkëpunëtorëve të tij në çdo takim. E ky është dënimi më i rëndë…

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • roku: 23/04/2023 11:38

    amerika dhe europa nuk te vrasin ose arrestojne, por te turperojne

    Përgjigju
  • Gjergj: 23/04/2023 10:45

    Si qytetar i kètij vèndi, shumè mè tepèr sesa "antiamerikanizmi" qè tek ne shqiptarèt NUK EGZISTON, edhe pse dikush i ardhur nè kryeqytet nga thepat e maleve, llomotit çdo ditè diçka tè tillè, mè shqetèson mungesa totale e etikès profesionale nè median vizive, dhènia hapèsirè bastardimit tè gjithçkaje. Nè njè vènd tè civilizuar sot nè europè, nèse dikush flet marrèzira tè tilla dhe shpifje tè ulèta siç bèn Sali Berisha nga Viçidoli çdo ditè, tè jeni tè sigurtè qè ajo bisedè nuk do zgjaste gjatè. Ka rregulla pèr gjithçka. Nèse nuk bèn denoncim nè organet pèrkatèse pèr atè qè pretendon se paska ndodhur, dhe kjo nè mènyrè tè pèrsèritur nè 20 vitet e fundit, atèherè nuk ke tè drejtè tè llomotitèsh dhe tè ndotèsh diskursin televiziv me marrèzitè e tua. Kjo, èshtè ETIKA E PUNÈS QÈ GARANTON HIGJENÈN e nevojshme tè komunikimit, sè cilès duhet ti nènshtrohet njè "moderator" nè studio. Natyrisht qè diçka e tillè, nuk pritet dot nga njè personazh butaforik si "mideratori" nè fjalè apo kolegèt e tij. Ndarja pèrfundimtare nga ky lloj komunikimi, èshtè ajo qè kam bèrè prej vitesh. Nuk kam kohè pèr plehun mediatik tè Çanèrve apo Fevzizève. Njè shènim nè fund pèr rastin e Berishès. Nèse 3 ambasadorè amerikanè, pavatèsisht nga njèri tjetri, do kèrkonin diçka,,tè jetè i sigurtè gjithkush, qè DO NDODHÈ. Tè tjerat janè pèrralla urbane.

    Përgjigju
    • e drejta: 24/04/2023 09:06

      BRAVO ...NUK I HEQ ASNJE PRESJE KOMENTIT TUAJ, KOMPLIMENTE

  • Ethem Lalaj,MallaKASTRIOTI: 23/04/2023 10:24

    Z.YLLI: 1.Shkrimet i bën të mira,Por pse nuk del si ANALIST në TV-t e Saliut 98 %. 2.Ndonse Sb ka bërë 101 krime në Shqipëri dhe për këtë u shpall non grata për të mos shkuar në Amerikë,popullit i intereson pse nuk arrestohet nga SPAK dhe sekuestro pasurisë..! -Që nga 92 popullit i jan vjedhur,Shitur,Shkatërruar mbi 350 mild.$ dhe asnjë lekë nuk është kthyer në BUXHET.Athere si do rriten rrogat,Pesionet,Ekonomia..!? 3.Metoda e REFORMIMIT TË DREJTËSISË nuk ishte e përshtatshme për Shqipërinë,ku u bë EKSPERIMENT TEK NE.Magjistratët e zgjedhur në detyra.. janë e njëjta gjë BAJKË DERRI E KURSIT 6 MUJOR TË SB QË E KAPI-TRODHI.. QË NË 92..! 4.Faktet që dha DASH për NON GRATËN janë të rënda dhe dihen 100 %.Por,Shkodrani Arben Kraja që ndryshoi vetëm KARRIGEN.. i kërkoi fakte DASH si edhe Saliu..! Besoi edhe Dibrani A.Dumani do të ndjeki rrugën e tij.Ndaj,ZEF BROZI NGA SHBA THOT SE..NË SPAK KA RËN BOMBA..! -Është krim edhe nga SPAK që lë në sirtar dosjet e Gërdecit,21 janarit,ÇES- DIA,kl.partizani,lobimet RUSE,VILAT PA MBAARIM,SHPIFJET PA KSNDAR,VRASJET E MBI 20.000 njërëzve 1991-2021.KY ËSHTË TMERR.

    Përgjigju
  • Sifi: 22/04/2023 18:38

    Amerika eshte aq e madhe dhe e fuqushme sa ne oqeanin e saj Berisha eshte nje pike uje.Ata e perkrahen kur erdhi ne pushtet ,por nuk shkoi ne linjen demokratike pra ne zbatim te ligjit dhe prandaj i dhane medaljen non grata.USA jo Saliun por cdo njeri qe i rrezikon sigurine kombetare e ben te harroj emein e tij.Zonja Kim eshte diplomatja me e mire amerikane qe ka sherbyer ne Shqiperi ,dhe do te kujtohet dhe mbas largimit nga detyra qe i dha zoti Baiden

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34