POP 5

Lajmet më të lexuara të 5 minutave të fundit

Opinion

Ylli Pata: Pse-të e betejës elektorale me SPAK dhe SHBA

Nëse në panelet e televizioneve kryesore ka deklarata delirante të tipit që “non grata është hequr” apo “SPAK i janë ndalur fondet” në portalet e afërta që i drejtohen militantëve situate është edhe më e thellë

Ylli Pata: Pse-të e betejës elektorale me SPAK dhe SHBA

Sali Berisha

Nëse në panelet e televizioneve kryesore ka deklarata delirante të tipit që “non grata është hequr” apo “SPAK i janë ndalur fondet” në portalet e afërta që i drejtohen militantëve situate është edhe më e thellë.

Aty dalin në video pensionistë e avokatë që ç’nuk thonë. Që Ambasada amerikane në Tiranë është mbyllur nga Donald Trump. Është mbyllur, fiks kështu thuhet, i kanë vënë çelësin.

Dalin ca personazhe që duken sikur dalin direkt nga kafja e lagjes apo shtëpia, ku gruaja i thotë dil pak të largoj punët.

Kanë kollare veshur, ca libra mbrapa e këpusin kumbulla pafund, si një i madh që dikur ishte drejtues i madh në RTSH e sot është një roje nate në një pension në një lagje jashtë Nju Jorkut.

Janë argëtuese nëse i sheh këto direkte që mbushin prej javësh hapësirën e atyre që quhet “Zona B”.

Sepse jemi në një fazë ku ka shumë pak media që afojnë palët, e më shumë media të palëve, ku polarizimi është i madh.

Shkurt, narativa elektorale e Sali Berishës nuk është as se kush do të jetë ekipi e programi i tij, por që ai do ta rrëzojë SPAK dhe sorosianët në SHBA. Me logjikën që ngrejë sadopal stekën skandaloze të perceptimit të keq në publik që e ndjek prej vitesh tashmë.

E gjitha kjo ka një arsye. A mundet Sali Berisha të sjellë një shpresë që mund të jetë njeriu që do të sjellë ose ndërtojë një koalicion politik alternativ fitues ndaj Edi Ramës?

A mund të jetë Berisha një ndërtues i një opozite të re, e cila moralisht është më lart se mazhranca e Edi Ramës? A mund të jetë Sali Berisha, lideri që do të ndërtojë një ekip me një know how politik dhe professional që të kapë lidhjet me btën Perëndimore?

Deri tani, e sipas të gjitha gjasave nuk i intereson, pasi përndryshe e kishte bërë. Por a mundet që legjenat urbane për mbylljen e ambasadës amerikane në Tiranë apo bllokimin e SPAK të jenë të vërteta?

Ta nisim nga e dyta! SPAK është një institucion Kushtetues, që nëse Sali Berisha do ta rrëzojë, i duhet të marrë 94 vota në Kuvendin e 11 majit. Nëse siç bënë avokatët e tij politik që të heqin kompetencat e SPAK mbi krimet zgjedhore, do të duhet gjithashtu të ndryshojnë Kushtetutën.

Kur Adriatik Llalla ishte Kryeprokuror i Republikës, e kur SPAK nuk kishte lindur, një prokuror i afërt me Berishën nuk hapi dosjen për një akuzë opozitare, thjesht mori dy disqe përgjimesh që kishte përgatitur nga operatorët e tij për shkak të detyrësh dhe ja dha PD. Kjo e fundit e shpërndau ku deshi. Që është shpërdorim detyre.

Ja këtë do Sali Berisha me kërkesën me pazar të ri në Prokurorinë e Përgjithshme, që sin ë komisionet e numërimit, të ketë edhe prokurorët e tij q të ndjekin “krimet zgjedhore”. E si e ka natyrë t’i ketë edhe nga krahina e tij, si ai i disqeve, që dikush e shpall edhe martir…

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Mars, 14:47

    Studentët dhe të rinjtë kujt duhet t’i japin prioritet:

Lajme të tjera



×

Lajmi i fundit

Kosovë/ Qeveria ndan rreth 6 milionë euro për t’ia paguar Pacollit për Hotel 'Grandin'! Fitoi në Arbitrazh

Kosovë/ Qeveria ndan rreth 6 milionë euro për t’ia paguar Pacollit për Hotel 'Grandin'! Fitoi në Arbitrazh

9 Mars, 09:54