"SHBA duhet të forcojë pozitat e saj politike dhe gjithëpërfshirëse në rajon dhe për këtë duhet të punojmë të gjithë së bashku" tha kryedemokrati Lulzim Basha pas takimit që zhvilloi me nje delegacion të Senatit Amerikan, ku e pranishme ishte edhe ambasadorja Yuri Kim. Basha tha se në Ballkan duhen ndalur çdo ofensive nga forcat jo perëndimore dhe për të nismat e bëra në Novi Sad (duke iu referuar Open Balkan) pasi ringjallin planet hegjemoniste serbe duke krijuar provokime dhe trazira në rajon.
"Çështja tjetër, se s do ta quaja të dytë se mori një pjesë po kaq të rëndësishme të bisedës, ka të bëjë me rajonin dhe në veçanti sa i përket situatës së provokuar nga ringjallja e planeve hegjemoniste serbe përmes proceseve si ai i Novisadit dhe nevojës për të përforcuar praninë politike dhe të gjithanshme amerikane për të ndalur dhe kundërvënë çdo ofensive të forcave joperëndimore ndaj arritjeve 30 vjeçare të ShBA-ve dhe të Boshtit Euro-Atlantik për stabilitetin, paqen dhe demokracinë në Ballkan. Me theks të veçantë për ruajtjen dhe garantimin e sovranitetit të Republikës së Kosovës dhe përfundimin me sukses të njohjes reciproke si gur i fundit i themelit të stabilitetit në rajonin e Ballkanit Perëndimor", tha Basha
Diskutimet mes Bashës dhe delegacioni amerikan në selinë blu u fokusuan edhe në forcimin e sundimit të ligjit, ku kryedemokrati tha se futja e vendit në shint e dmeokracisë janë jetike për të përthithur investimet dhe kapitalin amerikan në dobi të shqiptarëve.
"Njëra ka të bëjë me demokracinë shqiptare, udhëkryqi në të cilën ndodhet, në veçanti pas masakrës zgjedhore të 25 prillit, dhe rolin e Partisë Demokratike dhe të opozitës shqiptare në parlament dhe në bashkëpunim me të gjithë forcat e gjalla të shoqërisë shqiptare dhe me ndihmën e Shteteve të Bashkuara të Amerikës, për të rikthyer Shqipërinë në shinat e demokracisë, legjitimitetit dhe sundimit të ligjit. Dhe sigurisht përmes një vendi që është demokratik, ku nuk shkatërrohen por respektohen zgjedhjet e qytetarëve. Ku nuk goditet dhe burgoset i pamunduri, por ndëshkohet politikani i korruptuar apo bosi i krimit të organizuar, të krijojmë një klimë investimesh, nga e cila të përfitojnë shqiptarët përmes vendeve të punës, përmes transferimit të teknologjisë dhe të transferimit të kapitalit amerikan në Shqipëri", tha Basha
Këto deklarata, Basha i bëri pasi priti në selinë blu, delegacionin nga Senati Amerikan, të cilët i shoqëronte ambasadorja e SHBA-së, Yuri Kim. Delegacioni i Senati Amerikan përbëhet nga të senatorët Robert Karem, i cili ka shërbyer si Ndihmës Sekretar i Mbrojtjes për Çështjet e Sigurisë Ndërkombëtare dhe Paul Grove, zyrtar i Nënkomitetit të Shtetit për Operacionet e Jashtme, Mike Levine, Alex MacFarlane dhe Tobei Arai, të cilët u pritën në hyrje të PD-së nga nënkryetarja e partisë, Jorida Tabaku.
Kjo është vizita e parë e një delegacioni amerikan me Lulzim Bashën në selinë blu që pas përjashtmit nga grupi parlamentar i Sali Berishës, me kërkesë të SHBA. Pas largimit të Berishës, duket se marrëdhëniet e PD me SHBA janë 'ngrohur' dhe janë bërë edhe më bashkëpunuese.
Sali Berisha u shpall nga DASH 'non grata' pasi akuzohet si minues i demokracisë dhe i përfshirë në akte korruptive, ku kanë përfituar familjarët e tij.
Ish-kreu i Kuvendit Kombëtarë të PD, Bujar Nishani ka shpërthyer në akuza ndaj Luzlim Bashës duke e cilësuar hipokrit dhe fyes i demokracisë. Teksa e cilëson si hajdut të votave brenda PD, Nishani thotë se Basha hiqet sikur mbron standardet demokratike para përfaqësuesve nga SHBA.
Ky shpërthim i Nishanit erdhi pas deklaratës që Basha bëri për mediat pasi priti delegacionin amerikan. Për Nishani Basha fyen themelin e lirisë dhe dimensionin e demokracisë amerikane, ku thotë se do denoncojë vjedhjen e votave të 25 prillit dhe ndërkohë vjen votat brenda partisë së vetë.
"Deklarata e Lulzim Bashës pas takimit me përfaqësues nga Senati SHBA, ishte kulmi i hipokrizisë dhe fyese për demokracinë amerikane dhe lirinë si dimension.Eshtë hipokrizi ekstreme, kur Lulzim Basha ju tregon shqiptarëve se ka denoncuar manipulimin dhe vjedhjen e zgjedhjeve prej Edi Ramës, ndërkohë L. Basha është manipulatori dhe grabitësi më i shëmtuar i zgjedhjeve brenda Partisë Demokratike.Kur L. Basha ju flet për standartet demokratike përfaqësuesve nga SHBA, ai fyen themelin e lirisë dhe dimensionin e demokracisë amerikane. Në SHBA, asnjë nuk manipulon dhe grabit votat brenda partisë së tij, askush nuk asgjeson votën e lirë dhe të drejtën e kandidimit në partinë e tij, në asnjë rast nuk asgjesohet gara, për asnjë arsye vendimet nuk merren ilegalisht dhe në dhunim të institucioneve, siç vepron L. Basha sistematikisht brenda partisë së tij", shkruan Nishani.
Kreu i PD-së, Lulzim Basha priti sot një delegacion të Senatit Amerikan, ku tha se u foli për vjedhjen e zgjedhjeve të 25 prillit dhe rikthimin e demokracisë në vend.
Lajme të tjera
-
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Alban Daci: Lufta III Botërore?
23 Nëntor, 15:23
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Shefi i NATO-s takohet me Trumpin në Florida
23 Nëntor, 12:35 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20
