Sot në mjediset e Manastirit të Shën Vlashit në Durrës, ambasadorja e SHBA Juri Kim takoi pjesëtarët e Korpusit të Paqes të cilët ka pak ditë që kanë mbërritur në vendin tonë. Janë 19 vullnetarë të Korpusit të Paqes, prej të cilëve 12 do të punojnë në vendin tonë dhe 7 në Mal të Zi.
Fillimisht ata do të qëndrojnë 3 muaj në Lezhë ku do të trajnohen në qendrën e tyre e më pas do të shpërndahen në qytete të ndryshme të vendit tonë dhe të Malit të Zi. Vullnetarët do të sistemohen në shtëpitë e banorëve të zonës.
Nicole është njëra prej vullnetarëve që do të qëndrojë 2 vjet në vendin tonë. Ajo është e arsimuar në psikologji dhe thotë se i pëlqen shumë ky vend.
“Unë vi nga SHBA. Unë jam psikologe, por kam eksperiencë edhe në punë sociale. Do të punoj në sektorin e edukimit shëndetësore. Plani im është që në fillim ta njoh komunitetin ku do punoj, të njoh nevojat e tyre dhe të kem parasysh se ku do mund t’i ndihmoj ata. E dua këtë vend, pjesa ekologjike ku jemi këtu është shumë e gjelbëri shumë e pastër. U jam mirënjohëse që kujdeseni për ambientin”, u shpreh Nicole.
Në fjalën e saj, Megan Wilson, drejtoresha e Korpusit të Paqes për Shqipërinë dhe Malin e Zi tha se pas një ndërprerje 2 vjeçare për shkak të pandemisë shkaktuar prej COVID-it ne i urojmë mirëseardhjen 12 vullnetarëve amerikanë për Shqipërinë dhe 7 për Malin e Zi. Ata do të kompletojnë trinimin dhe do kontribuojnë në sektorë të mësimit të gjuhës angleze, shëndetësisë e të tjerë sektorë.
“Me një kënaqësi të thellë shoh që vullnetarët dhe familjet pritëse janë ulur bashkë. Ky është vetëm fillimi i një udhëtimi të gjatë dhe të rëndësishëm sëbashku. Faleminderit familjet pritëse që u bashkuat me në këtë aventurë ndërkulturore që është aq sfiduese aq edhe përmbushëse. Jam e sigurt që vullnetarët amerikanë do ta ndjejë shumë shpejt se ajo që kanë dëgjuar në lidhje me mikpritjen shqiptare është e vërtetë”, tha Willson.
Ndërsa Ambasadorja e SHBA në Shqipëri Juri Kim përshëndeti vullnetarët duke i cilësuar ata si pjesa më e mirë e popullit amerikan. Ajo tha se do të dëshironte shumë të ishte njëra ndër ta.
“Jam entuziaste për ju se do nisni rrugëtimin më emocionues të jetës suaj. Ky do jetë një rrugëtim ku ju do ndryshoni njëri tjetrin. Gjithashtu do largoheni prej këtij me kujtime, do largoheni me gjëra konkrete se ju do i sillni përfitim komuniteteve në të cilat do vendoseni. Është një shprehje që e përdorin shpesh në Shqipëri: ‘Kur ju të vini në shtëpinë tonë, kur të shkelni në pragun tonë, mund të mos kemi shumë çka për t’iu ofruar, por kemi bukë, kripë e zemër. Dua të falënderoj familjet mikpritëse që kanë hapur shtëpitë dhe zemrat e tyre për këta amerikanë. Dua t’iu them vullnetarëve, do iu uroja shumë fat, më duhet të shpreh se edhe jam pak xheloze për ju sepse ju jeni përmbushja ëndrrës sime. Kur unë u bëra pjesë e trupit diplomatik, pjesë e Departamentit Amerikan të Shteti, kisha menduar se do kisha dashur unë të isha mikpritëse e vullnetarëve të Korpusit në një vend të caktuar. Vullnetarëve dua t’iu them se ju jeni ambasadorë po aq sa sepse ju përfaqësoni më të mirën e Amerikës”, tha Kim.
Korpusi i Paqes është një Agjenci e Departamentit Amerikan të Shtetit të cilët japin ndihmesën e tyre në shumë vende të botës Ata ndihmojnë në fushën e Arsimit, Shëndetësisë, në sektorët socialë etj. Kishte dy vjet që ata nuk ishin prezentë në vendin tonë për shkak të pandemisë.
Komente
Lajme të tjera
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)
25 Dhjetor, 18:28 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
Po kjo pisja nuk ka pune tjeter po ngeli duke futur hundet dhe ne wc
Përgjigju