Zaev: Nuk duam projekte ekonomike por anëtarësim në BE, nuk do të gjunjëzohemi

Zaev: Nuk duam projekte ekonomike por anëtarësim në BE, nuk do të gjunjëzohemi

Kryeministri i Maqedonisë së Veriut, Zoran Zaev, ka dale kundër zërave se Bashkimi Evropian po përgatit një “zonë ekonomike europiane” për vendet e Ballkanit, pas vetos së Francës.

Kryeministri Zaev tha se përveç anëtarësimit të plotë në BE, nuk do të pranojë asnjë alternativë tjetër.

“Nuk do të pranojmë asnjë ofertë tjetër veç anëtarësimit në BE. Kemi përmbushur detyrimet tona dhe e kemi merituar hapjen e bisedimeve. Nuk pranojmë asnjë alternativë tjerë, as pakte dhe as projekte ekonomike”, - ka deklaruar Zaev në një takim me simpatizantë të LSDM-së në qytetin e Prilepit.

Ai ka shprehur dëshpërimin nga vendimi negativ, por tha se ky vendim nuk do ta gjunjëzojë nga qëllimi final.

Ndërkohë, kreu i opozitës, Hristijan Mickovski, për moshapjen e negociatave me BE ka akuzuar qeverinë e Zaev.

“Ne nuk e morëm për shkak të korrupsionit të Zaevit që dëshironte privatizimin e të ardhmes europian të shtetit tone”.

Dy partitë LSDM dhe VMRO kanë nisur fushatën menjëherë pas arritjes së marrëveshjes mes partitë politike, që më 12 prill të vitit 2020 të mbahen zgjedhje të parakohshme parlamentare dhe në të gjitha tubimet dominojnë temat e integrimit evropian dhe shkaqet e mosmarrjes së datës së bisedimeve për anëtarësim.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)