Ish-shefi i antidrogës, Dritan Zagani, i cili denoncoi lidhjet e Habilajve me ish-ministrin e Brendshëm, Saimir Tahiri, ka reaguar pas intervistës së këtij të fundit dhënë mbrëmjen e kaluar në një media. Tahiri tha se familja e tij ishte stresuar gjatë kontrollit të policisë në banesën e tij, duke shtuar se ishte deputeti i parë që policia i hyn në shtëpi.

Përmes një reagimi në ‘Facebook’, Zagani e quan deputetin njeri me shumë maska, njëherë luan e njëherë lepur, teksa shkruan se ai ishte njoftuar një java para për kontrollin. Më tej, Zagani i kujton Tahirin kohën kur, sipas tij, i dërgoi në orën 01:00 pas mesnatës sejmenët e tij si lukuni hienash për kontroll banese.

"E bukur kjo….! Tahirua na qenka ndjer keq kur i ben kontroll policia..edhe pse e njoftuan nje jave para…edhe pse e moren ne cel qe prit se erdhem…edhe pse ne fund fare i shkuan per kontroll diten per diell dhe me pranine e gjith shtypit…prap ky zotria e tije na qenka ndjere keq dhe se familja e tije e paska perjetu shum rende….!

Mahhh…ore njeri me shume maska qe njehere je luan e njehere lepur…po ti pyete njehere veten tende, ose sejmenet e tu qe mua mi dergove ne ora 01.00 pas mes nate si lukuni hienash 20 veta per kontroll banese,,,,, a mendon ndopak si u ndjene femijet e mi ne ate ore te nates me ate qe ti gatove per ta…dhe qe ishte komplet e jashtligjeshme vetem e vetem qe ti dhe Habilet e tu trafikant te ndjehen fitimtare ndaj ligjeve te shtetit….! Ti luani i djeshem qe ne nje nate te bukur u ktheve ne lepur…sot me djallezine tende te lige del as me pak e as me shume se nje hiene e zeze ne gjithe sa thua e shpif ndaj meje…ti qe te duket vetja kaq i zoti sa dhe nje nga vendet me humane dhe te drejte ne bote, jepka azil ne kurrizin tend…je qesharak deri ne dhembje…!”, shkruan Zagani.

d.c./shqiptarja.com