POP 5

Lajmet më të lexuara të 5 minutave të fundit

Opinion

Zaloshnja: 20% e atyre që votuan në prill 2021 s’preferojnë asnjë nga 4 politikanët kryesorë

Katër politikanët kryesorë kombëtarë janë kërleshur ashpër ditët e fundit në mejdanin publik arbëror. Dhe i natyrshëm është kurioziteti për të ditur se çfarë efekti ka patur kjo kërleshje tek opinioni i zgjedhësve që i kanë votuar ata para 21 muajsh.

Zaloshnja: 20% e atyre që votuan në prill 2021 s’preferojnë asnjë nga 4 politikanët kryesorë

Katër politikanët kryesorë kombëtarë janë kërleshur ashpër ditët e fundit në mejdanin publik arbëror. Dhe i natyrshëm është kurioziteti për të ditur se çfarë efekti ka patur kjo kërleshje tek opinioni i zgjedhësve që i kanë votuar ata para 21 muajsh.

Një sondazh elektronik kombëtar që zhvillova sot i jep një përgjigje të përafërt pyetjes së mësipërme. Gjithsej 1134 pjesëmarrës krejt të rastësishëm të zgjedhjeve të prillit 2021 e plotësuan pyetësorin elektronik – mëse mjaftueshëm për të bërë llogaritje statistikisht të besueshme në nivel kombëtar.

Rreth 42.6% e pjesëmarrësve të zgjedhjeve të fundit parlamentare preferojnë Ramën ndër katër politikanët kryesorë kombëtarë (PS-ja mori 48.7% të votave më 2021); 26.2% preferojnë Berishën (PD-An mori 39.4% të votave më 2021); 6.1% preferojnë Alibeajn (PD-An mori 39.4% të votave më 2021); 5.1% preferojnë Metën (LSI mori 6.8% të votave më 2021); dhe 20% nuk preferojnë asnjë nga këta katër politikanë (partitë e tjera të vogla morën 5.1% të votave më 2021).

Krahasuar me një sondazh të ngjashëm që zhvillova më 7 janar, kuotat e Ramës dhe të Berishës kanë pësuar rënie statistikisht domethënëse, ndërsa kuotat e Alibeajt dhe Metës kanë shënuar një rritje të lehtë (shihni tabelën shoqëruese).

Nga përvoja e gjatë me sondazhet e opinionit publik, kam vërejtur se sa më shumë kërleshje bëjnë politikanët kryesorë mes tyre në mejdanin publik, aq më e madhe është përqindja e zgjedhësve që s’preferojnë asnjërin prej tyre. Ndërsa kur afron data e votimit, votuesit e thjeshtë mbështillen tek sinorët e tyre tradicionalë elektoralë…

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 27/01/2023 22:00

    Po une qe s'votova asnjehere ca duhet te them or teeeejjjjj

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43