POP 5

Lajmet më të lexuara të 5 minutave të fundit

Opinion

Zaloshnja: 3 bashkitë që synon PBDNJ

Dje Sali Berisha dhe Vangjel Dule nënshkruan një marrëveshje bashkëpunimi për zgjedhjet lokale, sipas së cilës PBDNJ-ja do të paraqesë kandidatët e saj në bashkitë Himarë, Finiq e Dropull dhe partitë e koalicionit opozitar do t’i përkrahin ata në terren.

Zaloshnja: 3 bashkitë që synon PBDNJ

Sali Berisha dhe Vangjel Dule

Dje Sali Berisha dhe Vangjel Dule nënshkruan një marrëveshje bashkëpunimi për zgjedhjet lokale, sipas së cilës PBDNJ-ja do të paraqesë kandidatët e saj në bashkitë Himarë, Finiq e Dropull dhe partitë e koalicionit opozitar do t’i përkrahin ata në terren. Përmes kësaj marrëveshje, PBDNJ-ja synon të fitojë në 3 bashkitë ku ka më shumë ndikim.

Por historia elektorale në territorin e këtyre bashkive ka qenë e nakatosur në 3 dekadat e fundit…

Kështu, në fillimet e veta PBDNJ-ja ishte në koalicionin e djathtë dhe dominonte bindshëm në ato zona. Por pas 1997-ës kaloi në koalicionin e majtë dhe u përça. Nga gjiri i saj doli partia minoritare MEGA që fillimish u rendit djathtas e më vonë kaloi majtas, ndërsa PBDNj-ja nga majtas u rikthye përsëri djathtas. Por në zgjedhjet e fundit (të prillit 2021), PBDNJ-ja u përfshi në listën e PD-së dhe Mega në listën e PS-së.

Dropulli ka veçori nga dy zonat e tjera, sepse votat e minoritarëve janë ndarë historikisht mes Vangjel Tavos (si kur ishte deputet i PS-së edhe i LSI-së), PBDNJ-së, dhe PS-së. Por në zgjedhjet e fundit (të prillit 2021), PBDNJ-ja ishte e përfshirë në listën e PD-së, Tavo konkuroi si kandidat i LSI-së, dhe PS-ja kishte kandidatin e vet.

Me pak fjalë, prilli 2021 është baza më e mirë kuanitative për të bërë projeksione elektorale aktuale.

Në territorin e Himarës, për mazhorancën (PS+PSD) votuan 60% e zgjedhësve pjesëmarrës në prill 2021, dhe kuptohet që kandidati socialist do të punojë që ata zgjedhës të vijnë të votojnë edhe më 14 maj për të majtën. Duke e nisur garën me 20 pikë epërsi, gjasat janë të mëdha që ai ta përfundojë atë më 14 maj i pari.

Në territorin e Finiqit (ku MEGA ka qenë e fuqishme), për mazhorancën (PS+PSD) votuan 56% e zgjedhësve pjesëmarrës në prill 2021, dhe kuptohet që kandidati socialist (që ka qenë i MEGA-s) do të punojë që ata zgjedhës të vijnë të votojnë edhe më 14 maj për të majtën. Duke e nisur garën me 12 pikë epërsi, gjasat janë të mëdha që ai ta përfundojë atë më 14 maj i pari.

Në territorin e Dropullit, për mazhorancën (PS+PSD) votuan 55% e zgjedhësve pjesëmarrës në prill 2021, dhe kuptohet që kandidati socialist do të punojë që ata zgjedhës të vijnë të votojnë edhe më 14 maj për të majtën. Duke e nisur garën me 10 pikë epërsi, gjasat janë të mëdha që ai ta përfundojë atë më 14 maj i pari.

Një faktor që mund të ndryshojë disi ekuacionin elektoral është ardhja e zgjedhësve nga Greqia për të votuar më 14 maj. Në prillin e 2021-shit, kufiri ishte i mbyllur për shkak të pandemisë, ndërsa tani do të jetë i hapur. Tradicionalisht të dyja krahët e politikës kanë mobilizuar përkrahës të tyre në Greqi për të ardhur në ditën e votimit. Vetëm në qoftë se opozita mobilizon shumë më tepër përkrahës të tillë se sa mazhoranca (që ka pak gjasa të ndodhë), mund të ketë shpresë PBDNJ-a për fitoren e kandidatëve të saj…

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu