Zaloshnja: 31-përqindëshi i së keqes më të vogël

Zaloshnja: 31-përqindëshi i së keqes më të vogël

Edi Rama, Sali Berisha dhe Ilir Meta

Para dy javësh publikova një sondazh rreth opinionit që kanë banorët e rritur të Shqipërisë për tre politikanët tanë kryesorë.
Pyetja kyç e sondazhit ishte “Për cilin nga këta 3 politikanë keni sot opinionin MË POZITIV?” Opsionet e përgjigjeve ishin “Ramën; Berishën; Metën; Asnjë nga këta 3”. Rreth 30% e të anketuarve zgjodhën opsionin e fundit – “Asnjë nga këta 3”.
Fill pas kësaj pyetje, vinte në pytësor pyetja “Cilin nga këta 3 politikanë perceptoni si më të ndershmin?”. Tek kjo pyetje, plot 61% zgjodhën opsionin e fundit – “Asnjë nga këta 3”.
Duke i ndërthurur këto dy rezultate, mund të arrihet në përfundimin se të paktën 31% e shqiptarëve simpatizojnë njërin prej tre politikanëve kryesorë sipas parimit të së keqes më të vogël. Plot 61% i konsiderojnë ata të pandershëm, por vetëm 30% nuk simpatizojnë asnjërin prej të treve.
Dhe në fakt, kur vjen puna për të votuar, shtohet numri i atyre që zgjedhin të keqen më të vogël. Kështu, vetëm 20% e banorëve të rritur të vendit nuk morën pjesë në zgjedhjet e vjetshme parlamentare – kjo përqindje rezulton nga ndërthurja e shifrave të KQZ-së mbi zgjedhjet e vjetshme me shifrat e Eurostatit për shtetasit e rritur shqiptarë që jetojnë jashtë Shqipërisë.
Deri më sot, jo pak politikanë kanë provuar t’i ofrohen publikut si alternativa më të mira se tre politikanët kryesorë, por kanë dështuar kur janë përballur në mejdanin elektoral. I fundit ndër ta ishte Basha, kandidatët e të cilit u mundën keqazi më 6 mars, përballë kandidatëve të Ramës, Berishës e Metës.
Ndoshta duhet pritur për një brez të ri politikanësh, që shqiptarët të kenë mundësinë të zgjedhin më të mirët, e jo të keqen më të vogël.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Moni: 06/05/2022 07:04

    Nuk ke lene sondazh pa bere dhe prape vazhdon i bie anash. Nga 100% e zgjedhesve votojne vetem 30%. Nga keto 30% votojne per PS 40% ose jo me shume se 25% e totalit te zgjedhesve. Aq sa eshte dhe numri i te punesuarve ne administraten qendrore dhe lokale+familjare. Ti te drejte ke qe merresh me 30% por heret a vone do behet i gjalle edhe 70% dhe fshije ata te "3" kriminelat qe rendit zotrote.

    Përgjigju
  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

PD paditi zyrtarë të administratës për korrupsion zgjedhor, Prokuroria e Korçës dhe SPAK e kaluan te njëra-tjetra për moskompetencë! Çështja shkon në Gjykatën e Lartë