Me testin më të vështirë elektoral të karrierës së tij politike, Erion Veliaj është përballur në qarkun Berat, në zgjedhjet parlamentare të 2009-ës. Si kandidat për deputet i G99-ës (atëherë në koalicion me PS-në), ai u dogj vetëm për 300 vota, që çuditërisht rezultuan të pavlefshme për partinë e tij gjatë numërimit në Urën Vajgurore, ku Veliaj kishte përkrahjen më të fortë. Dhe ai mandat i humbur i Veliaj në Berat i kushtoi shumë koalicionit të PS-së në ato zgjedhje, në të cilat koalicioni i madh i PD-së në pushtet mezi arriti të siguronte 70 mandate gjithsej në rang vendi. (Shumë zëra qarkulluan atëherë se 300 votat e Veliajt ishin nxjerrë të pavlefshme në Urë Vajgurore me udhëzim të drejtuesve politikë socialistë të qarkut, prej xhelozisë që kishin atëherë ndaj G99-ës.)
Në zgjedhjet bashkiake të 2015-ës, ku Veliaj fitoi mandatin e tij të parë si kryebashkiak i Tiranës (me 160 mijë vota për të), pati përballë një opozitë të përçarë me 4 kandidatë (Halim Kosovën, Gjergj Bojaxhiun, Arben Tafajn dhe Sazan Gurin, që morën së bashku 140 mijë vota). Ndërkohë, LSI-ja, si anëtare e koalicionit të atëhershëm të PS-së, e mbështeti fort Veliajn në Tiranë (ndryshe nga zgjedhjet e 2011-ës, ku kishte mbështetur fort Bashën kundër Ramës).
Në zgjedhjet bashkiake të 2019-ës, ku Veliaj fitoi mandatin e tij të dytë si kryebashkiak i Tiranës, nuk pati përballë ndonjë kandidat të fortë opozitar, sepse PD-ja dhe LSI-ja i bojkotuan zgjedhjet lokale. Veliaj garën e pati praktikisht me veten (për të marë po aq vota sa kishte marrë para katër vjetësh), sepse Arben Skënderi i Bindjes Demokratike siguroi vetëm 9400 vota…
Po në zgjedhjet bashkiake të 2023-shit, a do të përballet Veleiaj me një test të vështirë elektoral?
Para tronditjes së vjetshme tektonike të 9 shtatorit në PD (kur Basha pezulloi Berishën nga grupi parlamentar), Jorida Tabaku rezultonte në sondazhe si kandidatja më konkurruese përballë Veliajt (ajo tërhiqte si votat tradicionale të djathta, ashtu edhe vota gri të kryeqytetit). Por me pozicionimin e saj të qartë krah Bashës pas 9 shtatorit të vjetshëm, ajo nuk ka më shans të përzgjidhet si kandidate në primaret e PD-së.
Aktualisht, emrat e Belind Këlliçit, Edi Palokës, Ilir Alimehmetit dhe Gerti Bogdanit kanë qarkulluar në media si kandidatë që mund të garojnë në primaret e PD-së, për t’u përballur me Veliajn në maj 2023. Secili prej tyre ndoshta i ka gjasat e veta ta fitojë garën brenda PD-së, por pastaj përballë Veliajt, është tjetër lloj gare…
Kushdo që do të përzgjidhet si kandidati i opozitës (ndër të sipërpërmendurit apo ndonjë tjetër) s’mund të ketë shans për garë të fortë me Veliajn, në qoftë se opozita e përçarë nuk arrin t’i shërojë plagët e maisura të këtij viti (si në nivel qendror, ashtu edhe në nivel seksionesh). Mosfutja e opozitës në garë me një kandidat të përbashkët në Tiranë, apo një rrjedhje e votave opozitare në formën e mospjesëmarrjes së votuesve të djathtë anti-Foltore, do t’ia bënte Veliajt garën po aq të lehtë sa më 2015…
Lajme të tjera
-
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Eduard Zaloshnja: SHBA në sintoni të plotë me shumicën dërrmuese të zgjedhësve shqiptarë
19 Dhjetor, 13:41
-
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Eduard Zaloshnja: Nëse SPAK-u do të ishte një parti politike, do të ishte absolutisht e para
17 Dhjetor, 12:36
-
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
