‘A e di Kryeministri që unë në 2017 kam bërtitur në çadër’, Zamira Sina: Pranova ftesën tuaj sepse nuk më 'luftuat' kur u zgjodha dekane, edhe pse isha e djathtë

Zamira Sina, kandidatja për PS-në në Qarkun e Vlorës dhe njëkohësisht dekane e Fakultetit të Ekonomisë në qytetin bregdetar, ishte e ftuar në podkastin maratonë “Flasim” të Kryeministrit Edi Rama. Sina tregoi arsyet pse pranoi ftesën nga Partia Socialiste, ndonëse vinte si një figurë e angazhuar më parë në Partinë Demokratike.

Sina: Përshëndetje, zoti Kryeministër! Ju falënderoj pa fund për ftesën dhe për minutazhin sot në podkastin tuaj. Unë kam lindur në një familje të vjetër “skelare”. Jam nënë e dy djemve dhe aktualisht jam dekane e Fakultetit Ekonomik të Vlorës. Kam dashur gjithmonë të angazhohem në politikë dhe në jetën sociale, dhe besoj se në Vlorë është edhe më sfiduese sesa në Tiranë.

Më erdhi ftesa nga Partia Socialiste për të hyrë në një tjetër garë, pas asaj që sapo kisha përfunduar në dekanatin e Vlorës, përballë dy zonjave të nderuara. Ftesa më erdhi krejt papritur, dhe madje bëmë edhe disa batuta me drejtuesin Çuçi, duke qenë se unë vij nga një familje e djathtë, ndërsa ata janë të majtë.

I kërkova të ndërmjetësonte që të zëvendësoheshin disa ambiente të universitetit që i kemi me qira. I shkrova një mesazh, por nuk më kthente përgjigje. Më pas më ftoi në zyrë dhe më tha: “O goc, ne kemi fushatën, ti më lodh me mesazhe!”, dhe më bëri ftesën për t’u bërë pjesë e ekipit tuaj.

I thashë: “Po mirë, a e di Kryeministri që unë në 2017 kam bërtitur në çadër që ai të largohej?” Ai më tha: “Zoti Kryeministër nuk e ka fare idenë që po ta bëj këtë ftesë. Unë, si drejtues politik, do të ndërtoj ekipin.”

I kërkova pak kohë për ta menduar dhe më la dy javë. Në fakt, pranova, sepse Partia Socialiste nuk më luftoi në garën për dekane, edhe pse aty kishte kandidatë të majtë – dhe këtë e vlerësova shumë.


Lajmi kryesor:

Rama 10 orë podcast maratonë, prezanton ekipin ‘PS 2030’: Kush do pasaportën e BE, më 11 maj të na japë mandatin më të fortë se asnjëherë! I dua rebelët, por brenda nesh


A.Q/SI.E./Shqiptarja.com
  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?



×

Lajmi i fundit

Lugina e Patokut ‘magnet’ për vendasit e të huajt! Fundjavë në perlën e bregdetit shqiptar

Lugina e Patokut ‘magnet’ për vendasit e të huajt! Fundjavë në perlën e bregdetit shqiptar