POP 5

Lajmet më të lexuara të 5 minutave të fundit

Media

Zana Xhuka prish konsensusin
për bordin drejtues të RTSH

Deputetët e opozitës në Komisionin e Medias dhe Arsimit kanë prishur konsensusin e arritur mbledhjen e shkuar për mënyrën e përzgjedhjes së 10 kandidateve të Këshillit Drejtues të RTSH-së.
TIRANE- Deputetët e opozitës në Komisionin e Medias dhe Arsimit kanë prishur konsensusin e arritur mbledhjen e shkuar për mënyrën e përzgjedhjes së 10 kandidateve të Këshillit Drejtues të RTSH-së. Anëtarët e këtij komisioni janë përfshirë në debate të ashpra, që u zhvilluan me dyer të mbyllura, ku sipas burimeve brenda këtij komisioni tërheqja e tyre nga konsensusi ka qenë e papritur derisa deputeti i PD-së, Bedri Hoxha ka përmendur si antikushtetues lirimin nga posti të Zana Xhukës në krye të ILDKP-së.

Ndërkohë që, brenda mbledhjes nuk është diskutuar në lidhje me kandidatin e katërt, që duhet sipas ligjit për të filluar seleksionimin për kreun e Këshillit Drejtues të RTSH-së, pas dorëheqjes së kandidatit Ylli Pata. Ndërkohë që deputeti i  PS-së, Fatmir Toçi ka kërkuar që mbledhja të zhvillohet me dyer të hapura, kjo për arsye të transparencës me opinionin publik si dhe për ndërkombëtarët.

Pas mbledhjes, nënkryetari i Komisionit, Alfred Peza ka theksuar se, është prishur konsensusi për motive politike si dhe është manipuluar procesverbali i mbledhjes së shkuar. "Nuk është zbardhur i plotë procesverbali dhe ka zbardhje në vende të caktuara të bisedave, të cilat shtrembërojnë thelbin e vendimmarrjes në mbledhjen e fundit që ishte arritja e konsensusit. Ne kemi dyshime të arsyeshme, që procesverbali i mbledhjes së kaluar është manipuluar dhe ne do të kërkojmë hetimin e procesverbalit, qoftë nga brenda Parlamentit, po qe e arsyeshme, propozimi i një deputeti të mazhorancës ishte ta çonim dhe në Prokurori për ndjekje penale", tha Peza.

Deputeti Peza ka theksuar se arsyeja politike, që opozita u tërhoq dhe po pengon, është largimi i znj.Zana Xhuka. "Opozita u tërhoq nga ky qëndrim, për arsye të axhendës së tyre politike. Zoti Hoxha deklaroi në Komision se mbas shkarkimit të zonjës Zana Xhuka në seancën e fundit plenare të Parlamentit, opozita ka një tjetër axhendë politike, gjë që e detyronte të shkelmonte këtë konsensus, që ne kishim arritur në mbledhjen e fundit", tha Peza.

Deputeti demokrat Luçiano Boçi tha se “Ne kemi propozimin tonë, i cili nuk pranohet nga mazhoranca që kërkon të vendosë edhe njëherë tjetër me forcën e kartonit edhe procedurën, edhe zgjedhjen e personave për Këshillin Drejtues të RTSH-së, kur ligji e përcakton qartë që brenda marrëveshjes politike duhet të ketë konsensus politik për zgjedhjen e anëtarëve”.

Shkrimi u publikua sot (26.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48