Interi kërkon me çdo kusht shqiptarin Igli Tare. Drejtori Sportiv i Lacios është objektiv i zikaltërve pas punës mjaft të mirë që ka bërë vitet e fundit në merkato duke afruar lojtarë të rinj të talentuar dhe që më pas i ka shitur me shuma të mëdha.

Menaxhimi i mirë i grupit dhe suksesi në merkato kanë bindur Interin për të tentuar shqiptarin. Lajmi jepet nga mediat pranë ekipi të Interit dhe Lacios, ku citohet edhe legjenda zikaltër, Javier Zanetti që të ketë deklaruar se “Taren e dua me çdo kusht te Interi”.

Tashmë pritet përgjigja e shqiptarit, por do të jetë vështirë që të  largohet drejt Interit, pasi ka një marrëdhënie mjaft të mirë me presidentin Lotitto.
 

d.b/shqiptarja.com