POP 5

Lajmet më të lexuara të 5 minutave të fundit

Sociale

Riformatohet Këshilli Drejtues i RTSH! EMRAT e përzgjedhur votohen të enjten

Kuvendi do të zgjedhë të enjten 11 anëtarët e rinj të Këshillit Drejtues të Televizionit Publik. PS dhe PD në një mbledhje të mbyllur, seleksionuan 10 figurat më të përshtatshme, mes 68 aplikimeve. Leka Bungon në krye të bordit do ta zëvendësojë Helidon Haliti, ose Fatjon Hoxhalli.

TIRANË - Komisioni i Medias seleksionoi 68 emra, të cilët kishin kandiduar për të qenë anëtarë të Këshillit Drejtues të Radio Televizionit Shqiptar. Kuvendit i kalohen për miratim të enjten 10 emra për 10 vende anëtarësh dhe dy kandidatë për postin e kryetarit të Këshillit Drejtues.

Kështu, zëvendësuesi i Leka Bungos, do të jetë Helidon Haliti ose Fatjon Hoxhalli, të cilët janë 2 kandidatët përfundimtarë që garojnë për kryetar të Këshillit Drejtues të RTSH.

Ndërkohë opozita përzgjodhi mes aplikantëve 5 emra, shumica e të cilëve, pjesë e botës së artit dhe kinematografisë. Emrat e mbështetur nga pakica parlamentare janë: Petrit Beci, Rajmonda Bulku, Osman Mula, Bujar Kapexhiu dhe Robert Budina.

Gjithashtu, 5 emrat e tjerë u propozuan nga mazhoranca, dhe ata janë : Eno Civici, Alket Braho, Lorenc Vangjeli, Pano Xhixho dhe aktorja Zamira Kita.

Këshilli Drejtues i RTSH-së me 11 anëtarë dhe kryetarin e tij u shkarkua nga Parlamenti pas shkeljeve të gjetura në procesin e konkurrimit për drejtor të RTSH-së. Do të jetë Këshilli i ri drejtues që do të përfundojë procesin e zgjedhjes së drejtorit të pergjithshëm të Televizionit Publik.

Kalojnë për Anëtarë të Këshillit Drejtues të RTSH-së
Petrit Beci
Rajmonda Bulku
Osman Mula
Bujar Kapexhiu
Robert Budina
Enio Civici
Alket Braho
Lorenc Vangjeli
Pano Xhixho
Zamira Kita
Kandidatët për Kryetar të Këshillit Drejtues të RTSH-së
Fatjon Hoxhalli

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Shqipëria me rritjen më të madhe të turistëve nga Gjermania

Shqipëria me rritjen më të madhe të turistëve nga Gjermania

13 Mars, 15:48