Nga Rama te Ahmetaj e Gjiknuri, zbulohen kur do të thirren dëshmitarët në Komisonin Hetimor për inceneratorët! Tabaku: Lefter Kokës do ia nisim letrën në burg

TIRANË- Edi Rama, Arben Ahmetaj, Damian Gjiknuri, Engjëll Agaçi do të thirren për të dëshmuar në Komisionin Hetimor për inceneratorët nga datat 21-23 shkurt.

Vendimi është marrë në mbledhjen e sotme të Komisionit, ku me dakordësinë e të gjitha palëve, u miratua edhe plani i Hetimit që nis nesër, 8 shkurt dhe përfundon në datën 25 shkurt, kur dhe do të dalin edhe konfuzionet përfundimtare.

Dëshmitarët janë ndarë në 2 grupe, pjesa teknike dhe kryebashkiakët dhe pjesa tjetër persona që kanë pasur fuqi vendimmarrëse.

"Plani i Hetimit, fillon nesër dhe përfundon 25 shkurt. Nesër Komisioni do të bëjë një seancë për të bërë të gjithë prezantimin e dosjes së Fierit dhe pas seancës anëtarët që kanë dëshirë mund të shkojnë në inceneratorin e Fierit. Në datë 9 shkurt, të mërkurën do të bëhet prezantimi i dosjes së Elbasanit, pas mbledhjes do të biem dakord për orën që të bëhet një vizitë, në datë 11 shkurt do të bëjmë një mbledhje për inceneratorin e Tiranës ku do prezantohet dosja dhe do bëhet vizita. Thirrja e Dëshmitarëve do të bëhet në datën 14 shkurt deri në 18 shkurt, do të thërrasim 2 grupe dëshmitarësh. Ndërkohë në 22-23 shkurt do të kemi përsëri thirrje të dëshmitarëve dhe konkluzionet do i nxjerrim konkluzionet. Dëshmitarët që do të thërriten javën e fundit nga 21-23 janë Edi Rama, Arben Ahmetaj, Damian Gjiknuri, Engjëll Agaçi, 14-18 shkurt do të thërritet Shkëlqim Cani, Alqi Bllako, Edison konomi, Erion Veliaj, Emirjana Sako, Mirel Mërtiri, Arjona Kodra, Klodian Zoto, Stela Gugallja, Qazim Sejdini, Bukurosh Stafa, Armando Subashi. Janë në 2 grupe, një pjesë e madhe kryetar Bashkie dhe pjesa teknike 14-18 shkurt, ndërkohë që pjesa tjetër janë pjesa vendimmarrëse politike, kryeministri, Ministra aktual dhe ish ministrash", tha Tabaku.

Pjesë e listës për t'u thirrur për të dësdhmuar është edhe ish-ministri i Mjedisit, Lefter Koka, aktualisht në burg, apo edhe Stela Gugallja, Mirel Mërtiri si edhe Klodian Zoto që janë në kërkim. Jorida Tabaku, si kryetarja e këtij Komisioni Hetimor, ka sqaruar edhe procedurën si do të vijohet me ta.

"Lefter Koka është përpara drejtësisë, ne do e dërgojmë shkresën, kemi 3 persona që janë në kërkim, që nuk dimë se ku do i dërgojmë shkresat, do ua çojmë administratorëve", tha Tabaku.

Ajo ka vënë në dukje mungesën e një përgjigjeje nga ana e institucioneve, ose më saktë, një përgjigje pa përgjigje, ka thënë Tabaku, dhe në këtë rast ajo i ka paralajmëruar se nëse nuk do të reagojnë do i padisë penalisht.

"Institucionet kanë sjellë një përgjigje pa përgjigje, përgjigje ka pasur "këtë informacion ju nuk mund ta kenë. (...)Rrugën e butë e kam përfunduar, do të nis paditë penale javën e ardhshme", tha Tabaku.

Lista e dëshmitarëve

Rendit zhvillimet sipas orarit:

Të Fundit Të Parat

B.K./Shqiptarja.com

TAG:
• inceneratoret
• ERMONELA FELAJ
• lefter koka
• edi rama
• ligji per komisionet hetimore