Zbardhet dëshmia e gruas së ekstremistit fetar në Tiranë: Më ka dhunuar për 12 vite në prani të fëmijëve, kudo shkonte merrte me vete Kuranin

Është zbardhur dëshmia e dhënë nga gruaja e Xherxh (Gjergj) Laçit, ekstremistit fetar të arrestuar ditën e djeshme në Tiranë, pasi u zbulua se për 6 vite kishte mbajtur të ngujuar familjen e tij për shkak të bindjeve ekstremiste.

Në dëshminë e dhënë nga Elena Laçi, thuhet se bashkëshorti i saj e kishte dhunuar atë dhe fëmijët e saj për 12 vite me rradhë, duke i mbajtur të mbyllur me kërcënime për të mos dalë jashtë banesës madje as në oborr. Ajo ka deklaruar se dhunën ndaj saj, Xherxh (Gjergj) Laçi e kishte ushtruar në prani të dy fëmijëve të tyre, duk i shkaktuar më shumë stres dhe frikë.

44 vjeçarja, gjatë kallëzimit të saj në komisariatin e policisë, ka zbuluar se i arrestuari, kohëve të fundit kishte filluar të frekunentonte shpesh xhamitë dhe se kudo që shkonte merrte me vete librin e Kuranit.

Xherxh Laçi nuk kishte marrëdhënie të mirë as me fqinjët dhe as me familjarët e tij dhe të bashkëshortes. Ndërkohë kushtet ekonomike në të cilat jetonin ishin të mjerueshme, pa energji elektrike, për shkak se asnjëri prej tyre nuk ishte i punësuar.

Lajmi kryesor:

Dëshmitë/ Ngujoi për 6 vite familjen, ekstremisti Gjergj Laçi: I ruaja nga e keqja! I biri: Na thoshte se 'duan t'ju vrasin', mamanë e rrihte

K.T./Shqiptarja.com

TAG:
• gjergj laci
• 5 maji
• policia e tiranes